Kutanthaura Baibulo: Buku la Msambiri, Capstone Module 5 Tumbuka edition

/ 6 7

K U T A N T H A U R A B A I B U L O

mwakuti tipulikiske Mazgu gha Chiuta, na kunozgeka kuzomerezga kuti Mazgu gha Chiuta ghatisinte umoyo withu pambere tindaghatebeteske. Muchigaba chakulondezgapo, tikalabiska na kusanda kuthutirika kwa Mazgu na Mazaza gha Baibulo, na kudumbirana mlimo wa katanthauliro kasono pa kupulikiska Mazgu gha Chiuta kuno kulero. Muchisambizgo chithu chakuIondezgapo tinjirenge mukatikati mu Ndondomeko ya Nthowa zitatu pakutanthaura Mazgu gha Chiuta, nthowa yipusu chomene kwene yakufikapo chomene pakutovwira kupulikiska Mazgu gha Chiuta na kujara mphambano ya pakati pa charu icho Baibulo likalembekeramo na charu cha sono. Nthowa iyi yikusazga kulomba na kutebeteska chomene nthowa zakubazga na kusanda Mazgu gha Chiuta mwakuti timanye na kukoreska ivyo Mazgu ghakuyowoya pakulabiska ivyo ghakayowoyanga ku awo bakaghapokera pakudankha, liro mwaka, kusanga fundo izo zilimo, na kuzitebeteska pa umoyo withu lero.

1

Chisambizgo ichi ntchipambi cha mlimo ukuru wa wupu wa The Urban Ministry Institute (TUMI) wene uwo ndi wupu wa utebeti wakutandazga Mazgu gha Chiuta mu misumba ndipo ntchakukanizgika kuchita fotokope panji kutandazga kwambura kupempha kuzomerezgeka kufuma kubeneko mlimo. Wupu wa TUMI ukovwira wose awo bakukhumba kutebeteska chisambizgo ichi pakukuzga Ufumu wa Chiuta. Basambizi na basambiri manyani kuti buku ili lili kuzomerezgeka kung’anamurika kufuma mu chingerezi ndipo tebeteskani kwambura wofi. Usange mukukhumba kumanya vinandi, labiskani apa: visit www.tumi.org/license.