Kutanthaura Baibulo: Buku la Msambiri, Capstone Module 5 Tumbuka edition

/ 7 9

K U T A N T H A U R A B A I B U L O

• Nga mbazga ku urunji pasi pa ulongozgi wa Yesu Khristu, tili kuchemekera kukupulikira Mazgu ghake muchigaba chili chose cha umoyo withu, mu utebeti withu, mwantheura, vyose vyakwenelera pa kutanthaura Baibulo vikupenjerezga kusanda na kumanya Mazgu gha Chiuta na ulato wa kusinthika kwa umoyo withu wose kwambura kusinthika mu mahara pa kusazgirako unandi wa umanyi chara. Wali yose wali na nthowa yake na yake ya katanthauliro ka Mazgu gha Chiuta Vili kwa imwe kugomezga panji chara kuti munthu wali yose wali na nthowa yake na yake yakutanthaura Mazgu gha Chiuta. Kwene kuti ndi nthowa zose chara zili na chanduro mwakuyana. Banji bakutebeteska mayere gha njobe. Munthowa iyi, bakujara maso na kujura Baibulo pali pose, ndipo bakubika njobe pali pose apo njobe yafikira. Bakujura maso na kubazga ndipo bakugomezga kuti ndimo Chiuta wabalongozgera. Tingamanya kuseka kachitiro aka, kwene kanandi tikusangika kuti tikuyana waka na banthu aba usange tikusanga na kukora chara ching’anamuro cheneko icho Mazgu gha Chiuta ghakuyowoya. Paliso banji awo bakubazga chomene Baibulo, kwene kuti bakufika patali chara mukulibika pamoza. Bakumanya kuzunura chomene mavesi kwene kuti bakumanya chara icho chipatulo chikung’anamura. Banji bakulondezga kujipereka mukubazga na kusanda chomene kwene bakubazga ivyo vikubakondweska pera panyengo yene iyo ngati kuti Baibulo lili kulembekera kuti bapulikenge makora pera nyengo zose. Kachitiro ka banthu kose aka vikulongora kuti banthu bali na nthowa zakutanthaulira Baibulo, ndipo ntchinonono chara kuwona chifukwa icho nthowa izi zikulongozgera banthu kukura makora mu uzimu chara. Pachifukwa cha nthowa izi – izo ndi nthowa za kusandira Mazgu gha Chiuta na nthowa za kutanthaulira Mazgu gha Chiuta – zinandi ndi nthowa zakusuzga kuzilondezga chifukwa zilije chanduro. Uchitiro wantheura kuti ukulongozgera banthu kukukura na kukwimiskika mu umoyo wawo chara. Banthu bakumanya kukora makora Mazgu gha Chiuta na nkhongono na chanduro chara. Nthowa za kutanthaura Mazgu gha Chiuta zingaba zakuzgombazgomba panji za mundondomeko yiweme, kwene nanga ndi zandondomeko yiweme zingaba za chanduro panji chara, mwakuti zikunanga ching’anamuro cha Baibulo. Ulato na khumbo la Chiuta ndakuti bakupulikana bafike pakumanya kubazga Baibulo na kupulikiska, mwakuyaniska, na kumanya kugabana na banyawo Mazgu gha Chiuta mwakwenelera na urunji wose. Kufumira mu buku la kulembeka na Paul Karleen. The Handbook to Bible Study. (electronic ed.). New York: Oxford University Press, 1987.

2