Kutanthaura Baibulo: Buku la Msambiri, Capstone Module 5 Tumbuka edition

/ 9 5

K U T A N T H A U R A B A I B U L O

5. Kasi nthowa ya kusanda Mazgu gha Chiuta kwizira mu kulabiska pa “Kalembero na mbiri ya Baibulo” yikuti wuli? Ndipo kasi ndondomeko ya Nthowa zitatu yikukhwaskana wuli na nthowa iyi? Kweniso kasi ndondomeko ya Nthowa zitatu, yikutovwira wuli ise pa kupulikiska unenesko wose wa Malemba mwakufikapo, na umoza wa Baibulo? 6. Kasi ntchifukwa wuli ntchakukhumbikwa chomene kupereka ntchindi zikuru ku urunji wa malemba nga ndi umo ghali kwizira kwa ise mu kalembekero kakupambana – pambana? (mwachiyerezgero, sumu, ndakatulo, makalata, mbiri, etc.), ndipo kasi ndondomeko ya nthowa zitatu yikovwira wuli? 7. Lembani mwawufupi vifukwa vyakufikapo mu stepu yili yose ya ndondomeko ya nthowa zitatu. Kasi stepu yili yose ya ya ndondomeko ya nthowa zitatu yikovwira wuli pakuthereska maunonono agho ghakukhwaskika na kupulikiska icho Baibulo likusambiza nga ndi buku la mwaka lene lilo lili kulembeka muviyowoyero ivyo vikuyowoyekaso chara kuno kulero nga ndi umo vikatebeteskekanga mu nyengo iyo Baibulo likalembekeranga? Konkhoskani zgoro linu mwakufikapo. 8. Kasi kujiyuyura, lwana, na kutemwa wanangwa mwa Yesu Khristu vikukhwaska wuli wanangwa withu wakumanya Mazgu gha Chiuta na kughatebeteska pa umoyo withu? Kasi pali ubare wuli pakati pa kabiro na ndondomeko pakupenjerezga ching’anamuro cha Baibulo? Chakuzirwa chomene pa ivi ndi ntchi? Perekani chiyerezgero chake? Perekani chiyerezgero chake pa zgoro linu. 9. Longosorani na kukhozgera makani ghakuti: “Nthowa zose ziweme zakutanthaura Mazgu gha Chiuta zikupenjerezga kusanga ching’anamuro pa Mazgu gha Chiuta na ulato wakusintha umoyo, kuzuzga waka vinjeru chara.” Kasi nthowa ya ndondomeko ya nthowa zitatu yikovwira wuli kusungilira kukoreska kwithu pa kusinthika kwa tabanthu na Mazgu gha Chiuta kuruska kusinthika kwa umanyi pa kusanda, na kumanya waka Mazgu gha Chiuta?

2