Kutanthaura Baibulo: Buku la Msambiri, Capstone Module 5 Tumbuka edition

/ 9 7

K U T A N T H A U R A B A I B U L O

• Usange tamara kulabiska vyakwenelera na kusanga fundo, tiyeni tilute pa stepu yachitatu iyo ndi ulato withu wakutebeteska fundo izo tasambira, mwakuvwirika na Mzimu Mtuba. Kutebeteska Mazghu gha Chiuta pa umoyo wako, ntchilongolero cha ivyo vili mumtima wako, nga ndi umo Chiuta Mzimu wakulongozgera. Vikukhumba kulanguruka na kuba bakunozgeka kupulikira ivyo Mzimu wakuyowoya pa umoyo withu. • Kutanthaura Mazgu kuli kose kukuperekeka na ulato wakukhomeska kabiro kithu kausambiri wa Yesu Khristu, ndiposo nkhukhozgera pa fundo zikuru – zikuru izo zili mu malemba. Kumutemwa Chiuta na kumutemwa mzengezgani wako na kutebeteska wanangwa withu kuzenga banyithu na kuchindika Chiuta, vikulongora fundo yikuru ya mu Baibulo muchipangano chasono na chakare. Chifukwa chakuti Baibulo ndi Mazgu gha Chiuta, ntchakuzirwa chomene kwiza na kujiyuyura chomene pose apo tikubazga Mazgu gha Chiuta, kubazga mwakulanguruka, kughanaghanapo na lwana lose apo tikupanga mlimo uwu. Tikwenera kugomezga na kuzomerezga Mzimu Mtuba kuti watilongozge nyengo zose apo tikuphara pakweru kuleka kwananga na kulondezga utozi wa mumtima na ubare uweme apo tikukura mukupulikira Mazgu gha Chiuta. Usange tikutondeka kuchita ivi vingatipangiska kuti tibe basambiri waka bambura kukorana na Yesu. Pachnaya pa vyose, tikwenera kukumbukira kuti dazi linji tizamukupataura panthazi pa Chiuta mwene uyo wakuti, “kweni munthu mweneuyo nkhumukhumba, mweneuyo ngwa kujiyuyura na wa mtima wakusweka, mweneuyo wakutenthema pa Mazgu ghane.” (Yesaya. 66.2). Kufumira mu buku la Carson, Donald A. New Bible Commentary: 21st Century Edition. (electronic ed. of the 4th ed.). Downers Grove, IL: InterVarsity Press, 1997. Kujiyuyura ntchinthu chikuru chomene pakutanthaura Mazgu gha Chiuta

2