Kutanthaura Baibulo, Buku la Msambizgi, Capstone Module 5, Tumbuka edition

/ 1 1 7

K U T A N T H A U R A B A I B U L O

³ Kunozgekera makora kwa munthu wa Chiuta ntchinthu chakukhumbikwa chomene usange watebeteskenge nthowa yili yose yakasandiro ka Mazgu gha Chiuta. Kabiro ka ghanaghaniro kaweme nkhakukhumbikwa chomene pa mlimo uwu. Pakukhumbikwaso kujuyura, na kujipereka na lwana lose apo tili banangwa muchigaba chili chose pa kusanda Mazgu gha Chiuta. ³ Nga mbazga ba urunji mwakulongozgeka na Yesu Khristu, tili kuchemeka kuti tikapulikire Mazgu ghake munthowa yili yose ya umoyo withu na muwutebeti withu, ntheura, kutanthaura kose kwakwenelera kukupenjerezga kupulika Mazgu gha Chiuta na ulato wakusintha umoyo, kusintha panji kusazgirako mahara chara. ³ Ndondomeko ya nthowa zitatu yingamanya kutebeteskeka makora na vigaba vya Baibulo (Mazgu, Vigaba, Vipaturo, Mabuku, na Vibaro). ³ Kubazga kuli kose kwa Mazgu gha Chiuta kukwamba na kujipereka kwithu ku Mzimu Mtuba, mweneuyo ndiyo mlembi wa Mazgu gha Chiuta ndipo ndiyo yekha ngwakufikapo kutilongozgera kuching’anamuro cha Mazgu gha Chiuta pa umoyo withu kuno kulero. Kuyegamira kwithu pa Mzimu Mtuba kukukhozga kusanda kwithu mwalwana Mazgu gha Chiuta ndipo kuti kuli kubikikako kuti kuwuskepo kunozgekera kwithu chara. ³ Stepu yakwamba pakutebeteska ndondomeko ya Nthowa Zitatu pakutanthaula Mazgu gha Chiuta nkhulabiska chomene pa umo malemba ghali kulembekera na umo nkhani yikwendera, kumanya vyamtendeko vya buku, wakulemba, na banthu awo bakalembekera, ulato wake, kweniso ubare wake na buku ghanyake na kung’anamulira kwake. ³ Kusanga fundo za malemba mwachisanisani panji chigaba chose ndi nthowa yachibiri ya ndondomeko ya nthowa zitatu pa kutanthaura Mazgu gha Chiuta ndipo yikukhwaska kusanga makani ghenekoneko, unenesko, languro, panji chisambizgo icho chili mu malemba. Nthowa iyi yikukhwaska kufuma pa ivyo malemba ghakang’anamulanga ku awo bakaghapokera pakwamba mukalembekero kake pamtendeko, kufika pa ivyo Mazgu ghakung’anamura kuno kulero. Stepu iyi yikukhwaska kufuma pa ivyo Malemba ghakang’anamuranga kufika pa ivyo Malemba ghakung’anamura kwa ise pasono. Fundo izi zikwenera kuphalika makora ndiposo zibe pakweru, kuyaniskika na visambizgo vinyake vyamumalemba na kubikika pakweru kuchitira kulutirizga kusambira na kutorapo lwande pa umoyo withu.

2