Kutanthaura Baibulo, Buku la Msambizgi, Capstone Module 5, Tumbuka edition

/ 1 2 1

K U T A N T H A U R A B A I B U L O

kupanikizga kuti chinthu chinyake mu Baibulo ntchaunenesko, mukwenera kutebeteska Baibulo chara pakupanikizgira unenesko uwu. Munthowa ya sayansi ukwenera kutebeteska chinthu icho ntchapadera, kuwaro kwa icho mukususka panji kupenjerezga unenesko wake. Mukupanikizgira chinthu kwizira mu vinthu vyakujiyimira pavyekha mwakuti musange unenesko. Msambizgi wakalutilira kupanikizgira pakunena kuti, chifukwa chakuti zintchimi na bapostole bakaba bakupulikana na Yesu, bakaba na wanangwa wakuphalira banthu ivyo iwo bakakhumba kubaphalira chifukwa bakaba bamunyumba mukati. Bakaba na mazaza gha kuphalira banthu fundo izo zingamanya kuchemera banthu kwa Yesu ntheura vyakuyowoya vyawo vingatebeteskeka pakupanikizgira unenesko wa Baibulo chara. Tingatora ukaboni wawo pa Yesu chara chifukwa ngwakutemwera lwande lumoza pera. Mliska yura wakasoba chakukora, wakasuzgika na maghanoghano. Kasi wangapanikizgira wuli unenesko wa Mazgu gha Chiuta kwambura kutebeteska igho Mazgu gha Chiuta? Kasi imwe mukughanaghanachi na ivyo msambizgi wakuyowoya ndipo kasi mungamuphalirachi Mliska uyu pa ivyo wangachita mwakuti wamalizge masambiro ghake usange imwe ndimwe msambizi wake? (Kutolera pa nkhani iyo yikachitika). Msambiri munyake apo wakaperekanga pepara lake ilo wakalemba pa ivyo wakasambira mubuku la Baroma, msambizgi wake wakamuphalira kuti (mwene uyo wakabazgapo ivyo wakalemba pakwamba) watondeka kutebeteska marango ghakwenelera chomene pakalembero. Msambizgi wakalongosora kuti: “ntchakwenelera chara kughanaghana kuti vyose ivyo vili kulembeka mumabuku ndivyo ching’anamuro cheneko cha ivyo vikuyowoyeka pa chipaturo icho wabazga. Ntchiweme chara kutebeteska mabuku ghakutanthaulira Mazgu mwantheura; ukwenera kulabiska ching’anamuro cha Mazgu ndipo penjani ching’anamuro chakwenelera ndipo muchitebeteske pa lizgu panji Mazgu agho mwasambira. Imwe mukatora ving’anamuro vyose na kuvitebeteska pa ivyo mwasambira, ntheura mwanangiska vyose ivyo mwasambira.” Msambizgi wakalutirizga na kuyowoya kuti, ndiphekha – pekha usange mukumanya umo mlembi wakatebeteskera lizgu, mazgu, mumakani ghake (Mwachiyerezgero, Petrosi, Paulosi, panji Yohane umo bakatebeteskera mazgu ghanji mu vyakulemba vyawo) ndipo mungaba na unenesko na kupanikizgira kose kuti mukatebeteskanga makora mabuku ghakupereka ching’anamuro pa Mazgu. Pakuti Baibulo likalembeka mu Chigriki, Chiheberi, na chiAramaik ndipo Pachifukwa chakuti tabanandi tikuvimanya chara viyowoyero ivi, tingachita wuli kuti timanye kuti tikubazga Mazgu gha Chiuta 3 Baibulo la mchiyowoyero cha kwinu ndakukwanira chara

2