Kutanthaura Baibulo, Buku la Msambizgi, Capstone Module 5, Tumbuka edition

/ 1 2 3

K U T A N T H A U R A B A I B U L O

vipaturo, buku lose la Mazgu gha Chiuta. Kubazga kuli kose kukukhumbikwa kujiyuyura, lwana lose, na chitemwa cha wanangwa mwa Yesu Khristu apo tikupenjerezga kusinthika na uthenga wakupereka umoyo wa Mazgu gha Chiuta. Kubazga na kusanda kose kwa Mazgu gha Chiuta kukwamba na kujipereka kwithu ku Mzimu Mtuba, mweneuyo ndi yekha ndi mlembi wa Mazgu gha Chiuta kweniso musambizgi wakutingweruska na kutinjirikizgamunthowa zithu zosemukupulikira na kuchita Mazghu gha Chiuta. Kugomezga pa Mzimu Mtuba kukukhozga kusambira na kusanda kwithu Mazgu gha Chiuta ndipo kuliriko kuti kunjire mumalo mwa kunozgekera kwithu chara. Mastepu gha mndondomeko ya nthowa zitatu ngapusu na ghapakweru. Chakwamba, tikulabiska ndondomeko ya vyakulembeka, kukhozga vyamtendeko vya buku, wakulemba na banthu awo bakalembekera, ulato, kweniso na pa ivyo vili kung’anamurikira mu viyowoyero vinyake. Chakulondezgapo, tikulabiska pa fundo mwachisanisani fundo izo zikuyowoya mwaufupi ivyo tasanga na kusambira pa ivyo Mazgu ghakang’anamuranga kwa awo bakaghapokelera, kweniso ivyo ghakung’anamura kuno kulero pa umoyo withu. Kweniso, tikusanga fundo zikuru – zikuru izo zikutisambizga ivyoMalemba ghakuyowoya, umo kukabira apo ghakalembekeranga, na ivyo ghakung’anamura kwa ise lero. Paumaliro, tikusanga fundo zikuru – zikuru pa umoyo wa uzimu izo zili mumakani agha na nkhongono ya Mzimu Mtuba. Apo tikujipereka na mtima wose pakumpulikira Chiuta, tikwenera kukhalirira muwumanyi wa mitu yikuru – yikuru yene iyo yikudidimizgika mu malemba ghose agho ghakuphara za khumbiro lake kubakupulikana wose mu vipangano vyose vibiri, chakale na chasono – kumtemwa Chiuta na kumtemwa mzengezgani wako kwizira muchipulikano mwa Yesu Khristu, vyose kuwuchindami wa Chiuta. Usange mukukhumba kulutirizga kubazga fundo zinyake pa makani gha kutanthaura Mazgu gha Chiuta: Ndondomeko ya Nthowa Zitatu, mukuchiskia kulabiska mabuku agha: Fee, Gordon D. New Testament Exegesis: A Handbook for Students and Pastors. 3rd ed. Louisville, KY: Westminster John Knox Press, 2002. Grenz, Stanley J., and Roger E. Olson. Who Needs Theology?: An Invitation to the Study of God. Downers Grove, IL: InterVarsity, 1996. Grenz, Stanley J., and John R. Franke. Beyond Foundationalism: Shaping Theology in a Postmodern Context. Louisville, KY: Westminster John Knox Press, 2000.

2

Vitebetero na Mabuku