Kutanthaura Baibulo, Buku la Msambizgi, Capstone Module 5, Tumbuka edition

1 3 2 /

K U T A N T H A U R A B A I B U L O

Kasi ntharika, nkhani, vinthanguni, panji vizgezge, vikutichemera wuli ku kukwiza na kupenjerezga kughapulikiska Mazgu gha Chiuta? Chakwamba, kwizira muchithuzi panji chizgezge icho Chiuta wakutilongora, tikuwona uthenga wake kuluska umo mazgu ghakuyowoyera waka. Usange tikuwona maluwa gha munthengere na umo wakughapwelerera, tikuwaona kuti ise wangatondeka chara kutipwelerera na kutipa ivyo tikukhumba. Chachibiri, vithuzi, nkhani, na vinthu ivyo vikukhwaska kaghanaghaniro, kapulikiskiro, na zeru zithu. Chiuta kuti wakukhumba waka kuti timanye vinthu chara kwene kuti tibe bakuchita na bakukhwaskika navyo, kukhwaskika na unenesko, mwakuti timanye kuyowoya unenesko. Paumaliro, kuphara vinthu kwizira mu vinthanguni na nkhani vikutichemera ise njara yakukhumba kulutirizga kupenjerezga ching’anamuro cha mtundu wa kalembekero ka nkhani. Kwizira muvinthuzi, na nkhani ya Chiuta, mukuzirwa kose, vikutichemera ise kukwiza kukufufuza mwakulutirira na kufikapo ching’anamuro. Kwa awo bakapenjanga vyakuzirwa chomene kwene mwapachanya – pachanya, bazizikikenge chomene. Mazgu gha Chiuta pali pose ghakuyowoya na kupambika kwa mtima uwo wuli na njara pa kufufuza na kupenja vinjeru nga ndi mawe gha mtengo wapachanya chomene mwakuti bamanye kupokera vyamuchindindi vyake na umanyi wose. Zintharika 2.1-5 Njombe ya Mahara 1Mwana wane, usange ukupokerera mazgu ghane, na kusungilira marango ghane, 2pakutegherezga makutu ghako ku mahara, na kuŵikapo mtima wako ku umanyi, 3usange ukuromba kuti uŵe na umanyi, na kuromba kuti uŵe wakupulikiska vinthu, 4usange ukupenja mahara umo ukupenjera siliva, na kughapenjiska umo ukupenjera usambazi wakubisika, 5penepapo uti upulikiske za kuchindika Fumu, ndipo uti usangenge umanyi wa Chiuta. 1 Mafumu 3.9 Ntheura nkhuromba kuti mundipe mtima wa vinjeru mwakuti ndiŵawusenge ŵanthu ŵinu mu urunji na kumanya kupatula pakati pa uweme na uheni. Kasi ndi njani uyo wangamanya kuwusa ŵanthu ŵinu ŵanandinandi aŵa?” MaSalimo 25.4-5 4Mwe Fumu , mundirongore nthowa zinu, mundisambizge kwenda mu nthowa zinu. 5 Mundirongozge mu unenesko winu na kundisambizga, pakuti imwe ndimwe Chiuta, Muponoski wane, ine nkhugomezga imwe nyengo zose. MaSalimo 119.34 Mundipe mahara kuti ndisungenge dango linu, na kulipulikira na mtima wane wose.

3