Kutanthaura Baibulo, Buku la Msambizgi, Capstone Module 5, Tumbuka edition

1 8 4 /

K U T A N T H A U R A B A I B U L O

Nkhani ya chiyerezgero

Marango nganandi chomene

Pakulabiska mphambano ya mabuku umo ghali kulembekera mu Baibulo (ndakatulo, sumu, vidumbirano, nkhani, vinthanguni, vidokoni, vizgezge, uchimi, vyakubisika,) banthu banyake bakugongowa chomene kulutirizga kubazga chifukwa bakuba bakutimbanizgika. Mungamanya kupulikiska chifukwa chake icho bakugongowera. Kasi ndi njani uyo wangamanya kutorapo nyengo na lwana lose pakubazga, kusambira, na kubikapo mtima chomene pakuchita luso ili na kupenjerezga kupulikiska makani agha? Kasi mlimo uwu ngunonono chara? Kasi palije banthu abo bangapereka ungweru wakwenelera pankhani izi? Kasi kusanda Baibulo pakulabiska mphambano ya kalembero ntchinthu chizito na chakusuzga? Nthowa iyi kasi yikupereka marango ghanandi – nandi yayi mukutanthaura Mazgu gha Chiuta? Mumpingo yinandi, Upharazgi wa bana ukuperekeka kwizira mukuphara nkhani, chene icho ntchakuzirwa chomene. Pakuba fundo iyo yikuperekeka kwizira mujando mwakuti bana basendelere kufupi na kuba na khumbiro lakupulikizga makani. Ulato ukuba wakuti bana bapulike na umo bakwenera kukhalira, kuyowoya, umo nkharo yikwenera kubira, na kusankha uchitiro uweme. Nkhani yikupereka chiyerezgero na umo unenesko ukwenera kubira pa umoyo wawo. Ku banthu banandi, katebeteskero kantheura aka, ndi nthowa yakwenelera chomene kukaperekero ka uthenga ku banthu. Banthu banandi bakughanaghana kuti nkhani ndi nthowa yakuphalira bana uthenga, chomene – chomene bana ba Sunday School. Pamtima wa chigomezgo ichi pali fundo yakuti nkhani ndi jando la kupereka makani na unenesko wa chisopo ndipo chisambizgo ntchinthu chapachanya chomene kuluska kuphara waka nkhani. Ndipo chisambizgo ndicho ndi nthowa yakwenelera chomene kubanthu balara pakuphara makani gha mu Baibulo. Kaghanaghaniro aka kakususkika na basambiri bachikhristu banji. Kuphara nkhani mwa kukonkhoska makani, lero kukutoreka kuti ndiyo ndi nthowa yakwenelera ndiposo yipusu chomene pakuphara unenesko wa muBaibulo. Tikuwonaso na umo Yesu wakagwiriskira ntchito vinthanguni, ntharika, viyerezgero na nkhani pakupereka uthenga wake. Kasi nkhaghanaghaniro wuli ako nkhakupulikikwa chomene kwakuyana na umo imwe mukuwonera nga ndi umo kwalongosolereka apa? Kasi ndi abo bakupulikana kuti kuphara uthenga kwizira munkhani, panji awo bakuphara kwizira muvisambizgo? Nkhani zikukhumbikwa usange tikuphalazgira bana bachoko

1

2

3