Kutanthaura Baibulo, Buku la Msambizgi, Capstone Module 5, Tumbuka edition

1 9 6 /

K U T A N T H A U R A B A I B U L O

Kachitiro aka kakuwonekera kufumira mu bakhristu bakucharu cha Bereya, abo bakapulika upharazgi na visambizgo vya Mpostole Paulosi na Sila apo bakaba na utebeti wakufikapo kucharu cha Batesalonika nga ndi umo kuli kulembekera mu Mlimo wa Bapostole 17.1-9. Kufumira kukujipereka kwa banthu ba chiGriki na bamama banandiko bamucharu cha Tesalonika, Paulosi na Sila bakapenjekanga na baYuda ba mumsumba wura awo bakakana chisambizgo chawo. Apo Paulosi na Sila bakasangika chara, wupu wabanthu bakamukora Jayisoni na banthu banyake awo akamulondezganga Paulosi Pachifukwa chakuti upharazgi wawo uwo ukazgora banthu banandi (17.6ff.). Chigaba icho tabazga chikuphara makani gha banthu bakuchigaba cha Bereya bakapokera ndipo Luka wakuphara mwakulongozgeka na Mzimu Mtuba, wakusachizga kuti bakhristu bakuBereya bakaba na mtima wakujikhizga kuruska banyawo bakuTesalonika. Kasi kujikhizga panji kuyuyura kwa bina Bereya kukuwonekera mu vichi? Mzimu uwu uli pakweru mumakani agha mu Mlimo chipaturo 17.11. “11Kweni ŵaYuda aŵa, ŵakaŵa ŵa nkharo yiweme kuruska ŵara ŵa mu Tesalonika, pakuti ŵakaghapokerera mazgu na phamphu lose. Ndipo zuŵa na zuŵa ŵakasandanga Malembo kuti wawone usange vinthu ivi vikaŵa nadi ntheura.” Bina Bereya bakaba basambiri baweme chomene pa mazgu gha Yesu na Ufumu wake. Bakapokera Mazgu gha Chiuta na mwamphu wose, na njara yose kweniso na khumbiro lose, mumalo mwakughapokera waka, bakabikapo mtima pakughabazga, kusanda, na kujichichizga kupenjerezga usange ivyo Paulosi na Sila bakapharanga vikaba vya unenesko. Mumalo mwakuti bapenjerezge ivyo iwo bakughanaghana, bakajipereka kukusambira ivyo ndi vya unenesko vya malemba ndipo Chiuta wakawona mzimu wawo na mwamphu uwo ukaba mkati mwawo ndipo wakawona kuti mbanthu bakujipereka pakusambira Mazgu gha Chiuta. Chakumanyikwa nkhanira apa ntchakuti palije mazaza, nanga ndi ghabapostole, ghakwenera kupokelereka na kuzomerezgeka usange ngakususkana na ivyo Mazgu gha Chiuta ghakuyowoya. Kasi pali ubare wuli na mlimo withu wa kutanthaura Mazgu gha Chiuta? Mwakuwonga chomene, banthu banandi awo bakusambira na kubazga Mazgu gha Chiuta batorapo nyengo yitari chomene pakusambira na kusanda Mazgu gha Chiuta, kufumira ku umo ghakalembekera muviyowoyero vya muchiGriki na muchiHeberi kufikira muchisambizgo chili chose icho chikuyowoya na ivyo vili mukati mwake. Ivi vikwiza munthowa zose, vyakulemba, mavidiyo, paintaneti, vyakupulikizga waka, na nthowa zinandi waka. Apo tikwenera kumuwonga Chiuta pa vyambura mapimiko ivi na vyakovwira ivi, ise, nga ndi bakhristu bakuBereya, tikwenera kutorapo nyengo yitali chomene pakusanda na kulondezga ivyo Mazgu gha Chiuta gha kuyowoya na kupima nagho ivyo banthu bakuyowoya panji

4