Kutanthaura Baibulo, Buku la Msambizgi, Capstone Module 5, Tumbuka edition

/ 2 8 9

K U T A N T H A U R A B A I B U L O

Vyakuyowoya Mwakubisirizga

Chinthanguni

Mwakupambana, chinthanguni nkhuyowoya mwakubisirizga chomene. Nkhuyowoya mwapakweru chara. Kukuba kuyowoya fundo wakuyibisa chomene na mwakuhangayiska. Mukayowoyero kakuti “ imwe ndimwe muchere wacharu” (Mateyo 5:13) nakutiso “ Imwe dimwe ungweru wa charu. ” (Matt. 5:14), Fumu yithu Yesu Khristu yikuyowoya muvinthanguni mwakuti wapereke uthenga wa mlimo wa unenesko uwo bakhristu bakwenera kuchita mucharu na ulato wakusintha charu. Mumazuba gha mwaka, muchere ukaba chinthu chakovwira chomene pakutondeska kuvunda mu dende, ntheura banthu awo bakapulikizganga Yesu wakuyowoya kuti bakaba na chilendo chara pa ivyo Yesu wakayowoyanga. Ungweru, munyengo yose iyo yili kubako, wakhara ukutovwira kuti titebetenge mwachikanga na mwakufikapo pakuti tikulabiska patari na pafupi. Ukuchimbizga chisi. Usange tikutondeka kulabiska, tili musuzgo likuru chomene. Mazgu agha “muchere na ungweru” ghakutebeteskeka mwakuyaniska vinthu. Vinthanguni ivi vikutebeteskeka na ulato wakudidimizga ching’anamuro, nanga wuli ndi vilengiwa vyakumanyikwa makora chomene. Katebeteskero ka kugadabulira mukuoyowoya kali na ulato wakumuwezgera munthu mwakumulongora kuti iyo ndi muheni kwakuluska munyake. Mwachiyerezgero “ bamunkhwere bakusekana vimphata” . Fumu yithu yikatebeteskana chomene kayowoyero aka, mwachiyerezgero “. . Kasi ungaphalira uli mubali wako kuti, ‘Mubali wane, reka ndifumyemo chiswaswa icho chili mu jiso lako,’ para iwe wamwene kuti ukuwona chara khuni ilo liri mu jiso lako?” (Luka 6:42). Mu 1 Bakorinto 4:8 Mpostole Paulosi wakutebeteska Kugadabulira na nkhongono chomene, “Mwakhuta kale? Mwasambazga kale? Mwazgoka kuŵa ŵakaronga kwambula ise! Ndakhumbanga kuti mphanyi mwawusanga nadi mwakuti ise nase tiwuse pamoza namwe. 9Nkhuwona kuti ise ŵakutumika, Chiuta wali kutipa malo gha umaliro nga mbanthu awo ŵamkukomeka. Ntheura tazgoka nga chinthu chakusekeka mu charu, ku ŵangelo na ku ŵanthu wuwo. 10Tili vindere chifukwa cha Khristu, kweni imwe muli ŵamahara mwa Khristu! Tili ŵakutomboroka, kweni imwe muli ŵankhongono! Imwe ŵanthu ŵakumuchindikani, kweni ise ŵakutiyuyura.” (1 Cor. 4:10). Kugadabulira (Irony)