Kutanthaura Baibulo, Buku la Msambizgi, Capstone Module 5, Tumbuka edition

/ 2 9 7

K U T A N T H A U R A B A I B U L O

NDONDOMEKO YA MAKHUMI GHAB I R I NA GHANKHONDE ( 25 ) Umo Khristu Yesu wakuwonera Baibulo Paul P. Enns. The Moody Handbook of Theology (electronic ed.). Chicago: Moody Press, 1997.

Pakulabiska kabiro ka kuthutirika kwa Baibulo, palije chakuzirwa chomene kuluska kalabiskiro ka Yesu Khristu pa Baibulo. Mwaunenesko wose, palije munthu wakwenera kuba na kalabiskiro kanyake kali kose kujumpha umo Khristu wakalabiskira Baibulo; kalabiskiro na kazirwiskiro kake ndiko kakwenera kutipasa ise umo nase tikwenera kuwonera Baibulo na kulizirwiska kwake. Umu ndimo nkhwantha R. Laird Harris wakawoneranga. Pakuvikilira fundo yakuthutirika kwa Mazgu gha Chiuta wakutebeteska 2 Timoti 3.16 panji 2 Peterosi 1.21 nga ndi mzati wa fundo yake chara (nanga wuli wakuzirwiska unenesko wake); mumalo mwake wakuzirwiska ntchito umo Khristu wakughawonera Mazgu gha Chiuta. (1) K uthutirika kwa wose. Pakutebeteska Testamente lakale, Khristu wakapereka ntchindi zose kufundo yakuti Baibulo lose ndakuthutirika. Mu Mateyo 5.17– 18 Khristu wakukhozgera kuti nanga nkhanthini waka ka Mazgu gha Chiuta kati kafufutikengemo, mpaka kafiskike. 17 “Rekani kughanaghana kuti ndili kwiza kumarizga Dango la Mozesi panji visambizgo vya nchimi chara. Kuti nkhizira kughamazga chara kweni kughafiska. 18 Nadi nkhumuphalirani kuti, mpaka charu cha kuchanya na charu cha pasi vimare, kwamkuŵavye nanga nkhalembo kamoza panji kadontho kamoza ako kamuwukamo mu Dango, visuke vifiskike vyose Mu vesi 17 wakalabiska dango panji zintchimi za Chiuta, ndipo wakapanikizga kuti viti vimarenge chara kwambura kuti vifiskike. Aka ndiko kakaba kabiro na kalabiskiro kake pa Mazgu gha Chiuta. Wakapanikizgira kuti Mazgu gha Chiuta ghali kuthutirika na Chiuta mweneko. M u Luka 24.44 Yesu wakukumbuska basambiri bake kuti vyose ivyo vili kulembeka na za iyo mudango la Mosesi, Zintchimi na MaSalimo vikwenera kufiskika. Basambiri bakatondeka kupulikiska visambizgo vyake vyakukhwaskana na nyifwa na kuwukaso kwake umo vili kulembekera mu Chipangano chakare, kwene chifukwa cha kuthutirika kwa Chipangano chakare, vyose ivyo zintchimi zikayowoya, vikenera kufiskika. Kwakuyana na umo Yesu wakaghachindikira Mazgu gha Chiuta, ntheura wakakozgekera kuba wa mazaza pa kuthutira Mazgu gha Chiuta ghose gha muchipangano chakare. A po Yesu wakadumbirananga na baYuda bambura kupulikana pa makani ghakuti iyo Yesu ndi Mwana wa Chiuta, wakabalazgiskira ku buku la MaSalimo