Kutanthaura Baibulo, Buku la Msambizgi, Capstone Module 5, Tumbuka edition

3 0 0 /

K U T A N T H A U R A B A I B U L O

Umo Khristu Yesu wakuwonera Baibulo (Mwakulutirizga)

Mzimu Mtuba wati waperekenge ulongozgi wakwenelera pakubakumbuska basambiri bake apo bayamukulemba ivyo bakwenelera kulemba (labiskani pa Yohane 16.12–15). Ichi chikutovwira kupulikiska umo munthu mulara nga ndi Yohane, apo wakalembanga na vya umoyo wa Yesu, wakalemba mwakukonkhoska makora ivyo vikachitika vilimika vyati vyajumphapo. Mwantheura, Yesu wakakhozgera kuthutirika kwa Chipangano chakare pera chara kweniso Chipangano chasono. Mzimu Mtuba wakapereka kwa Yohane na balembi banyake vyakwenelera kuti balembe. Chakumanyikwa nkhanira ntchakuti Yesu Khristu wakapereka ntchindi chomene kumalemba, kukhozga kuthutirika kwake mu chipangano chose chakare mpaka kumabuku ghake ghose, mazgu ghake, lemba lili lose, na kalembekero kake na kuphara na umo Chipangano chasono chiti chilembekerenge na kuthutirika. Mwaunenesko wose, banthu awo bakugomezga kuti Baibulo nda kuthutirika mwapadera – padera panji vigaba vyake pera, bakwenera kughanaghana makora pa kuwonaso na umo Yesu wakughakolera na kughalabiska malemba chifukwa kawonero ka Yesu ndiko ntchipimo chithu tose. Ntchambura kwenelera kulabiska malemba mwakupambana na umo Yesu wakaghalabiskira.