Kutanthaura Baibulo, Buku la Msambizgi, Capstone Module 5, Tumbuka edition

/ 3 0 3

K U T A N T H A U R A B A I B U L O

Nkhani, Chisambizgo, na Mpingo (Mwakulutirizga)

Fundo ya chinkhonde: Nkhani zikaba zakwamba pambere Mpingo undabeko ndipo kufumira munkhani ndimo Mpingo wuli kufumira. Ichi tapharapo pakwambilira. Nkhani ndiyo yikuba yakwamba, banthu bakukoleranako na makani, bakuyikoreska, bakulangulukirapo, bakuyipharaso, bakuyisungilira, na kuyipereka banthu ndipo mukufuma mdauko. Usange banthu banandi bayipulikiska, baupulikana, na kusekelera nayo apo bakukondwa nayo, mpingo ukubabika. Fundo iyi yikwima pakupanikizgira kapangikiro kakufumira mukusanda kuluska fundo zose izo zajumpha. Yikuzomerezga kulabiska nkhani mwachisanisani chomene. Ilije kuzomerezga fundo yimoza pera kufumira pa nkhani. Munyake wangawonapo chisambizgo cha unenesko penepapo munyakhe wakuwonapo chisambizgo cha utesi. Kwene pa umaliro wake yikupenjerezga chomene pa fundo yakupere vinthu ivyo banthu bakwenera kuchita muchikaya cha bakupulikana. Makani ngakuti usange makani ghakupereka mdauko uwo mpingo ukaya kayimapo ndikuti paumaliro wake vyamziro vikuperekeka. Apa ndipo pakwizira kususkika na kusezgeka mumpingo. Kulangurukirapo pa nkhani za Yesu vikamba kuchitika kufumira mu nkhani za Yesu Khristu mu mpingo wa mwaka. Tikuwona vyose ivi kufumira munkhani izo zikalembeka, makalata gha Paulosi. Usange mukulangurukapo pa nkhani, kuyaniska, na kupanga udumuliro, apo ndikuti mwapanga chisambizgo. Tikuwona vyose ivi mwaupusu chomene, mwachiyerezgero, muchipulikano pamakani yakukhwaska Yesu mukabiro kake. Munthowa yapadera chomene tikuphalirika kuti Yesu ndi munthu wa Chiuta, kweniso wakuyowoyera Chiuta, ndiposo ndi lizgu lake. Usange ndi lizgu lake, ipo wali na ubare ukuru chomene na Chiuta. Usange wali na ubare ukulu chomene na Chiuta ndikuti ndi mwana wa Chiuta mwapadera chomene. Usange ndi mwana wa Chiuta, iko ndikuti ngwakuyana waka na Chiuta, panji ndikuti ndi Chiuta mu munthu. Visambizgo nkhubika maghanoghano pamoza na kusanga ching’anamuro chapadera chomene icho chikutovwira kuluta panthazi na chipulikano. Fundo ya chinkhonde na chimoza: Nkhani zikupereka vinthu vyamziro. Fundo ya chinkhonde na chibiri: Nkhani zikubaba visambizgo.