Kutanthaura Baibulo, Buku la Msambizgi, Capstone Module 5, Tumbuka edition

3 5 0 /

K U T A N T H A U R A B A I B U L O

Kweniso, muwonenge kuti, kabiro na machitiro gha chiyowoyero, vikutoreka mwalwana chomene mu ndondomeko ya nthowa zitatu, kweniso vikulabiska chomene pa kalembero na luso la mlembi, na umo chiyowoyero cheneko chikuyowoyera. Ndondomeko yikukhozgera nthowa ya kupulikiska umo Mazgu ghaliri mwapakweru yene iyo yikuzomerezga kuti Mazgu gha Chiuta ghose umo ghaliri ngakuphakazgika na kuthutirika na Mzimu Mtuba. Marango ghose gha vyakulemba ghakulondezgeka mwakufikapo pa kulondezga nthowa iyi. Pakuti ndondomeko ya nthowa zitatu yikubikapo mtima chomene pa kulabiska mphambano ya pakati pa charu chakale, icho Baibulo likalembekeramo na chasono icho tilimo sono. Ulato ngwakupereka ching’anamuro cha Malemba kwakuyana na umo ghali kulembekera kubanthu awo bakaghapokera kakwamba. Chiuta wakayowoya kubanthu bake kwizira muvyakuchitika, mumbiri . Chiuta wali kuyowoya ku banthu bake kwizira mu mbiri, vyakuchitika, vyakuwoneka, munyengo zinyake na munthowa zakupambana – pambana. Nga mbakupulikana mu nkhongono ya Mzimu Mtuba, kuti tilutirizge kutebeteska Mazgu gha Chiuta mu umoyo withu, tikusanda ivyo Mazgu ghakang’anamura kubanthu bakale awo bakaghapokera pakudankha mwakuti tisange chanduro pasono. Pawumaliro, tikukhozgera kuti Baibulo ndi buku nga ndi ma buku ghanyake ghose, mwantheura likwenera kubazgika kwakuyana na umo lili kulembekera. Pachifukwa chakuti Baibulo ndi nkhokwe ya mabuku ghanandi, likwenera kutoreka kwakuyana na umo buku lili lose lili kulembekera. Ndondomeko ya nthowa zitatu yikulabiskaso ivyo chipaturo chikuphara kwakuyana na makani agho ghadangilira na agho ghakwiza musi mwake na kupereke ching’anamuro cha makani ghose. Nanga wuli tikulabiska makani ghose agha na lwana lose, tikuchiska basambiri kuti bamanye marango ghakutanthaulira kwakuyana na kalembekero na kiziro ka malemba ghakupambana – pambanamuBaibulo. Kasi pali marango ghakukhwaska ndakatulo, mbiri, vyakuphara/kupataura, sumu, ntharika, vinthanguni, ivyo usange tavipulikiska timanyenge kusanga ching’anamuro cha Malemba kwambura kusuzgika panji kupuruka. Chonde labiskaniso ulato uwo unenesko uwu ukuphalikira. Nga nkhaluso, mlimo winu nga msambizgi, ngwakudidimizga fundo izi muchisambizgo chose,