Kutanthaura Baibulo, Buku la Msambizgi, Capstone Module 5, Tumbuka edition

3 5 6 /

K U T A N T H A U R A B A I B U L O

Wakubazga wali yose wakwiza na ivyo wakukhazga kufumira muvyakulembeka. Kuzgobera luso ilo lili kutebeteskeka pa kulemba kukovwira wakubazga kusanga ching’anamuro kufumira kuvyakubazga. Kwene nyengo zinyake vinthu kuti ndi vipusu chara. Mwachiyerezgero, usange mulembi wakulondezga chara ndondomeko zakalembero ka luso ako kali kubikikako, ndikuti chibenge chinonono chomene kubakubazga kusanga ching’anamuro. Kumanya luso na kalembekero ka buku kukukhumbikwa kuti munthu wamanye ivyo vilimo mu luso lira kweniso wabe nako kupulikiska na kupanikizga ivyo vikubikika na kulondezgeka mu luso lira. ~ Larry W. Hurtado. “Genres.” Dictionary of Jesus and the Gospels (electronic ed.). J. B. Green, ed. Downers Grove, IL: InterVarsity Press, 1997. p. 277. Ulato winu muchisambizgo ichi ngakuti muvwire basambiri binu kuti bachite nga ndi umo Hurtado wakusachizgira kuti, basambiri bapulikiske kalembekero ka Baibulo mwakupambana – pambana, mumaluso ghakupambana – pambana, mwakuti kupulikiska kwawo kwa buku lili lose kulongozgeke na umanyi uwi. Nanga wuli ntchito yakumanya umo Malemba ghali kulembekera kuti njipusu chara kwene njakwenelera chomene kubanthu wose bakupulikana na Chiuta. Nga ndi umo mwawonera muchisambizgo chinu icho chajumpha, labisiskani chomene pa ulato wa chisambizgo ndipo mubikepo mtima chomene pa ivi apo mukulutilira kusambira. Ulato wa chisopo ichi nkhulabiska chomene na umo Chiuta wakutebeteskera Malemba mukalembekero kake kakupambana – pambana pakupereka uthenga wake kubanthu. Chisambizgo apa chikukhozgera chisambizgo cha Baibulo pakuba Mazgu gha Chiuta mukabiro na kalembekero kake. Tikuwona zintharika, vidokoni, mdauko, mbiri, vilongolero na vyakuyimira vinthu na nkhani pakuba nthowa zakuperekera uthenga wa Chiuta.

 2 Page 131 Chisopo