Kutanthaura Baibulo, Buku la Msambizgi, Capstone Module 5, Tumbuka edition

/ 3 7

K U T A N T H A U R A B A I B U L O

1. Kasi makani gha Kutanthaura Mazgu gha Chiuta ntchichi ndipo kasi vikukhwaska vichi? Kasi ulato wa mlimo uwu ntchichi ndipo ukupenjachi? 2. Kasi chikung’anamurachi usange tikusachizga kuti mulufura lwake ndi buku la banthu kweniso ndi buku la uzimu? Kasi kukora waka fundo yakuti Baibulo ndi buku la banthu na kureka kukoraso fundo yakuti ndi buku la uzimu agho ndi Mazghu gha Chiuta kukuwezgako nkhongono yake? Longosorani. 3. Kasi mlimo wa kutanthaula Mazgu gha Chiuta uli na ulato uli? Kasi ntchivichi icho tikwenera kupenjerezga chomene apo tikuchita mlimo uwu? Kasi chikung’anamurachi usange tikuti “kughakora makora na mwakwenelera Mazgu gha unenesko?” (2 Tim. 2.15) 4. Kasi ndi fundo wuli izo ndi ntchindamira zene izo bakhristu bakwimapo kuti ndi za unenesko apo bakulabiska Baibulo na kupenja kulitanthaura makora? Kasi ntchifukwa wuli ntchindamira izi ndi zakuzirwa na zakukhumbikwa kuzikoreska kwa bakupulikana pambere bandayambe kulabiska nthowa za kovwira pa mlimo wakutanthaura Mazgu gha Chiuta mwakuti baghapulikiske makora? 5. Kasi ntchakuzirwa wuli kutora Baibulo kuba uvumbuzi wakulutilira wene uwo ukugona mwa kuvumbukwa kwa Yesu Khristu? Kasi mukuwonapo kukoleranako wuli pakati pa Mazgu ghakulembeka gha Chiuta na umunthu wa Mazgu gha Chiuta mwene uyo ndi Yesu Khristu? Kasi pali ubare wuli pa makani ghabiri agha? 6. Longosolani Mlimo wa Mzimu Mtuba pa kuphakazgika/kukhubirizgika na kupereka ungweru pa Mazgu gha Chiuta, pa mlimo wa kutanthaura kwa Mazgu gha Chiuta? 7. Kasi ndondomeko ya kulondezga fundo zitatu pa kutanthaura Mazgu gha Chiuta yikuti wuli, ndipo yikupenjachi pa kutora Mazghu gha Chiuta na lwana lose pa mbiri na mphambano ya kabiro ka charu icho Baibulo likalembekeramo na charu chasono? 8. Kasi ntchifukwa wuli ntchinthu chinonono chomene kupenjerezga kutanthaura Mazgu gha Chiuta kwambura kunozgekera mu mtima, mukaghanaghaniro na mumakhumbo ghithu kuti tibikepo mano ghithu mwakufikapo nga ndi umo Chiuta wakukhumbira? Kasi chikung’anamura kuti tireke kutebeteska kukhumbikwa ntchindamira za katanthuliro ka Mazgu gha Chiuta apo tikubazga Mazgu gha Chiuta?

1