Kutanthaura Baibulo, Buku la Msambizgi, Capstone Module 5, Tumbuka edition

/ 5 5

K U T A N T H A U R A B A I B U L O

Mafumbo agha ghali kunozgekera kuti ghamovwirani kuweleramo mu ivyo mwasambira pa kulabilira vidiyo. Fumbo lakukhwaskana na vyati vya Baibulo, Mazaza, na kukhubirizgika kwa Baibulo, kukupanga ntchindamira yakutanthaulira kwa Mazgu gha Chiuta. Tingafiska chara mlimo wakutanthaura Mazgu gha Chiuta usange tindakhorwe na unenesko wakuti na kuthereska fundo yakuti jando la Baibulo ndi uzimu wake uwo ukufumira kwa Chiuta na kutiso ndi buku lakulembeka na banthu. Tingaruta patali chara pakulongosora makora kutanthaura Mazgu gha Chiuta mpaka tizomerezge uzimu wa Baibulo na kulembeka kwake na banthu. Nthowa ya kutanthaura Mazgu gha Chiuta ya lero yikupenjerezga kulongosora na kugumanya umoza wa kuyowoya kwa Chiuta na kwa banthu kwene kuko kose kubiri kukasangika mu Baibulo ndipo vyose vikupanga Mazgu gha Chiuta. Apo mukudumbilana mafumbo agha, penjerezgani kubika pakweru maghanoghano ghinu apo mukuweleramo fundo zikuru – zikuru muchigaba ichi. Bazgani mafumbo agha makora – makora ndipo yezgeskani kughazgora kwakuyana na umo Mazgu gha Chiuta ghakuyowoyera na kusambizga. 1. Lembani mavesi ghatatu agho ghakuyowoya kuti Mazgu gha Chiuta “ ngakuthutilika ” na Chiuta ndipo ghali kulembeka, “ mwakukhubilizgika ” na Mzimu Mtuba. Kasi chikung’anamurachi kuti Baibulo ndi buku la uzimu? Kasi imwe mukupulikiska wuli makani ghakuti Baibulo ndi buku la uzimu kweniso la kulembeka na banthu? Kasi mukughapulika wuli makani gha pa 2 Petros agho ghakuti, Pakudankha mukwenera kumanyiska kuti, palive Mazghu gha Uchindami ghenagho munthu wangamanya kutanthaura yekha, chifukwa Mazgu gha Uchimi kuti ghakiza na khumbo la munthu chara, kwene banthu bakayowoya Mazgu gha Chiuta bakati “bakhubirizgika na Mzimu Wakupatulika”? (cf. 2 Pet. 1.19-21) 2. Kasi fundo ya kuphara lizgu kwa lizgu , yikuyowoya kuti wuli, ndipo longosorani na umo imwe mukupulikiskira ndipo kasi mukuwona kuti njakovwira wuli? 3. Longosorani fundo ya kututuzgika kufumira mkati panji kuti nthowa ya kubabika nayo, yikuti wuli, ndipo kasi tikwenera kuyilongosola wuli kwakuyana na ivyo Baibulo likujiphara pa ilo lene? 4. Kasi ndi fundowuli izo zikumanga fundo ya kupokera ungweru pa kuthutirika kwa Mazghu gha Chiuta, ndipo kasi Mazgu gha Chiuta ghakuzgorachi pa makani gha kutumbikika na vyawanangwa kwa balembi na kutorapo lwande kwa Chiuta pa kulembeka kwa Mazghu gha chiuta?

Chigaba chachibiri

Mafumbo kufuma kubasambiri na mazgoro ghake

1