Kutanthaura Baibulo, Buku la Msambizgi, Capstone Module 5, Tumbuka edition

6 4 /

K U T A N T H A U R A B A I B U L O

Kutanthaura ntchisambizgo na chigaba cha umanyi wene uyo ukulabiska pa kufwatura Mazgu gha Chiuta, mwakuti ghapereke ching’anamuro chake cheneko. Kutanthaura Mazgu gha Chiuta kukulabiska chomene pa nthowa yakutanthaura Baibulo. Kwamba pa mtendeko, chipulikano cha chikhristu chili kukoleska fundo zinji pakabiro ka Mazghu gha Chiuta, nga ndi kuthutirika kwa Mazgu gha Chiuta, kukhumbikwa kwa Mazgu kutanthaura Mazgu, na fundo yakuti Mazgu mbuvumbuzi wa Chiuta wane uwo ukulutilira na kukagota pa kuvumbura khumbiro la Chiuta mwa Yesu Khristu. Ndondomeko ya nthowa zitatu ya kutanthaulira Mazgu gha Chiuta yikupenjerezga kukoreranako pakati pa nyengo iyo Baibulo lili kulembekera na nyengo ya sono, pakupulikiska umo vinthu vikabira pa mtendeko apo Baibulo likalembekeranga, kusanga fundo izo zikukhozga Baibulo, kutebeteska Mazgu gha Chiuta pa umoyo wa mkhristu. Usange tikukhumba kutanthaura Mazgu gha Chiuta makora, tikwenera kunozgeka mumtima, mukaghanaghaniro, na makhumbo ghithu mwakuti tibe bakwenelera na bakufikapo kubazga na kutanthaura Mazgu gha Chiuta, kughasanda, na kughapulikira, kuchita vyose ivi kuwuchindami wa Chiuta. Mazgu gha Chiuta ghali “kuthutirika na Chiuta mweneko” kwizira mu nkhongono na utebeti wa Mzimu Mtuba. Chiuta pamoza na banthu bakatebeta pa kulemba Mazgu gha Chiuta kwizira mu nthowa izi: Kuphalirika vya kulemba, Kupulika mkati panji kuti nthowa yakawiro, kupokera ungweru, na kupokera Lizgu ku Lizgu. Nthowa ya Lizgu ku Lizgu yikuphara kuti Mazgu gha Chiuta ghose (Baibulo), ghali kuperekeka na Chiuta, mwakusazgirapo malemba ghose agho mlembi wali kutebeteska, na kalembero kake wuwo, wali kusankha na kusora ndi Chiuta. Munthu wali kupika vyose kuti walembe kwambura kusankhapo kali kose. Nthowa ya lero ya kuntanthauraMazgu gha Chiuta yikupenjerezga na kulonderezga jando la Baibulo, kufumira pa mtendeko apo zikaba waka nkhani za chikaya, kufika pa vinthu ivyo vikabikika pamoza kwakuyana na umo vikachitikira, na kuyakafika pa kulembeka kuba buku. Nthowa ya sono ya kutanthaura Mazgu gha Chiuta yikupenjerezga kusanga jando la Baibulo kufumira pa vyakuyowoya ivyo vikaba waka vidumbirano vya mukaya, kufikira pa vyakuphara ivyo banthu bakapharanga mwakupanikizga, na kulembeka kwake kuba buku la Baibulo. Nthowa za lero izo zikutebeteskeka pa kutanthaura Baibulo, zikuru – zikuru izo zikugaba mlimo uwu muvigaba ndi izi: Kabiro (zikulabiska pa ivyo vikayowoyekanga muchikaya), jando (kusanga ivyo vikalembeka vyakudankha), kayowoyero (Chiyowoyero, Mazgu, na kalembekero kake), Malemba (ivyo vili kulembeka), Malango ghakelembero (Marango agho ghakulondezgeka pa kulemba), Kubika mabuku pamoza (umo mabuku ghakasolekera na kubikika pamoza kuba Baibulo), Fundo

Kulongosora Fundo ya Chisambizgo

1