Kutanthaura Baibulo, Buku la Msambizgi, Capstone Module 5, Tumbuka edition

7 2 /

K U T A N T H A U R A B A I B U L O

• Perekani chiyerezgero cha ndondomeko ya nthowa zitatu pa kutebeteska makani gha pa 1 Bakor 9.1-4 nga ntchiyerezgero cha kutebeteska pa umoyo winu, pakulabiska pa mtunda wuli wose na kuwubika pa umoyo winu apo mukulutirizga kwenda mu malemba. • Labiskani umo kusanda Mazgu gha Chiuta kukwenera kuchitikira kwakuyana na uthenga wa chipaturo chose, chigaba, buku lose, kweniso kwakuyana na uthenga wose wa mu Baibulo kwa ise mwa Yesu Khristu. • Longorani kwizira mukutebeteska ndondomeko ya nthowa zitatu umo chigaba chili chose yikulabiska pa malemba pakulongora ungweru uwo yikupereka pa Mazgu gha Chiuta, kusintha umoyo wa banthu kwizira mukusangwa chifukwa cha kusanga fundo za umoyo kufumira mu Baibulo. • Sangani fundo zikuru – zikuru, ntchenjezgo, na nthowa zakwendapo pakufufuza kabiro kamalemba ka pamtendeko na kutebeteska malemba makora na mwakwenelera visambizgo kufumira mu Baibulo pa umoyo winu. Ezra 7.10 - Pakuti Ezira wakabikapo mtima wake pa kusambira marango na kughafiska, ndiposo na kusambizga malayizgo ghake na malanguro mu charu cha Isirayeli. Kasi mtima winu ngwakunozgeka pamaso pa Chiuta? Usange tikulabiska mu Baibulo, tikuwona kuti Chiuta withu wakutebeteska banthu awo mitima yawo yanozgeka kuti yibazge, kusambira na kuchita Mazgu gha Chiuta ndiposo na kutebeteskeka na Chiuta pa milimo yake. Panji chiyerezgero chikuru chomene pa makani agha, chikufumira mu chipangano chakale. Mu buku la mbiri la Ezira, lene ilo likutiphalira makani gha za kuwelera kwa bina Isiraele kufumira kucharu cha wuzga cha Babeloni kwizaso mucharu chawo cha Yuda mwakuti bakapereke chiwuska nkhumbi kubakupulikana na kuwezgeramo chisopo mucharu na kuzengaso Tempile la Yehova. Kumsopa Chiuta munthowa yakwenelera ntchinthu chakukhumbikwa chomene ndipo ndicho chikuyowoyeka mu mabuku ghose gha mu chipangano chakale agho ghakalembeka munyengo iyo Israele wakaba mucharu cha wuzga, kwene kuko bakalutako chifukwa cha kumugalukira na kumunangira Chiuta. Mwakusazgikirapo mu mabuku agha, muli 1 na 2 Midauko, Ezira, Nehemiya, Hagayi, Zekariya na Malaki (panji na kusazgirakoso buku la Estere). Awo bakawelera bakaba bakunozgeka na Mtima wakunozgekera kusambira, na kusambizga Mazgu gha Chiuta.

2

Kujipereka

page 351  2