Kutanthaura Baibulo, Buku la Msambizgi, Capstone Module 5, Tumbuka edition

7 4 /

K U T A N T H A U R A B A I B U L O

yikata, yambura kujipasa nyengo pakubazga na kusanda Mazgu gha Chiuta yingaghamanya Mazgu gha Chiuta chara nesi ching’anamuro na usambazi wake pa ivyo wakukhumba na uvumbuzi wake uwo wuli kuvumbukwa mwa Yesu Khristu. Chichibiri, wakabikapo mtima pakuchita . Mwawupusu, tingayowoya kuti, Ezira wakakhaliranga kubazga Mazgu gha Chiuta chara kwene wakabazganga Mazgu gha Chiuta mwakuti wakhare na wa moyo. Ulato wa Mazgu gha Chiuta kuti nkhughapulikizga waka nga ndi makani gha chipulikano, kupulikira, chitemwa, na kutebetera chara. Ulato ngwakuti banthu bamanye kughachita, kughagomezga. Ndipo chitumbiko cha malemba chikukhwaskana na awo bakulabiskamo waka chara kwene ntcha awo bakughazomera mwakujiyuyura, kujipereka na kughachita na mtima wose pakuti agha ndi Mazgu gha Chiuta (Yakobe 1.22-25). Vinjeru vya Chiuta vikwiza ku awo bakuchita khumbiro lake apo bakuvisanga mu Mazgu ghake (cf. Masalimo 111.10 Kopa Fumu ndiko nkhwamba kwa vinjeru; ndipo awo bali na kopa kwa ntheura ndibo mbavinjeru. Malumbo ghake ghakukhalirira kwa muyirayira! Chaumaliro, Ezira wakabika mtima “ pakusambizga marango na dango la Chiuta mu charu cha Israele .” Usange Mazgu gha Chiuta ghasungilirika kwizira mukubazga na kughasanda na kufiskika kwizira mukughachita, apo ndipo mutebeti wa Chiuta ngwakunozgeka kufiska utebeti wake wakusambizga Mazgu gha Chiuta. Icho Ezira wakabikapo mtima pakukhwaskana na utebeti wa Mazgu gha Chiuta, chikaba mundondomeko yiweme yakuti: wakanozgekera kubazga na kusanda Mazgu gha Chiuta, kughachita, ndipo na kughasambizga. Kachitiro aka kakufumira pasi pa mtima na kanozgekero kake ntchinthu chapachanya chomene chene icho batuba mtima wose, batebeti bakhristu, zintchimi, na bapostole bakabikawumbika nako. Ulato kuti ukuba pa mlimo chara, panji utebeti, nesi ntchito, panji vitumbiko na vyawanangwa. Ulato ukuba pa Mazgu gha Chiuta-kughabazga mwakufwilirirapo ndipo usange ghamanyikwa, ghalondezgeke, kughachita, kughagabira banthu banyake na mtima wose mwakupulikikwa. Ivi ndivyo vikachitika mu utebeti wa Ezira kubanthu bake, chifukwa wakabikapo mtima, Chiuta wakamutebeteska mwankhongono chomene pakwiziska chiuska nkhumbi na umoyo wupya kubanthu ba Chiuta, na kubika lufura lwakunozgekereska banthu pa kukwiza kwa Mesiya Mponoski. Ndipo vyose ivi, chifukwa cha munthu yumoza pera mwene uyo wakamtemwa Chiuta wakawunozgekereska mtima wake ku Mazgu gha Chiuta. Kasi mtima winu ngwakupelekeka kwa Chiuta kuti musambire, kuchita, na kusambizga Mazgu ghake kubanthu bake, kuwuchindami wake? Kasi mukujilabiska – chawanangwa chinu , vitumbiko vinu, mwabi winu , panji muli bakufikapo mukunwekera kwinu kuti mughapulikiske na kughasungilira Mazgu gha Chiuta mwakuti mungamanya kughachita mu umoyo winu, nakuti Mzimu Mtuba wamulongozgani

2