Kutanthaura Baibulo, Buku la Msambizgi, Capstone Module 5, Tumbuka edition

9 6 /

K U T A N T H A U R A B A I B U L O

Kusanda Mazgu gha Chiuta: Ndondomeko ya Nthowa Zitatu Chigaba chachibiri: Kutebeteska Ndondomeko: Kusanda Kwizira mu Vyakulemba vya Paulosi

Mlimo wakulembeka na Rev. Dr. Don L. Davis

Ndondomeko ya nthowa Zitatu pa kutanthaura Mazgu gha Chiuta njakufikapo chomene pakupulikiska ching’anamuro cha Baibulo, ndipo yingasambirika makora pakulabiska pa kalata wa Mupostoli Paulosi umo wali kulembera ku Bakorinto, mukalata wake wakwamba, chpatulo 9.1-14. Pakutebeteska nthowa iyi pa kusanda chipaturo ichi, tikuwona umo nthowa iyi yiliri na chanduro pa kubazga, kusanda, kusambira Mazgu gha Chiuta kuliri. Ulato withu muchigaba ichi, Kutebeteska Ndondomeko ya nthowa zitatu: Kulabiska kalata wa Paulosi, ngwakuti, mumanye kuwona kuti: • Ndondomeko ya Nthowa Zitatu ndi nthowa yachanduro pakutanthaula Mazgu gha Chiuta yene iyo yingatebeteskeka makora usange yikutebeteskeka pa vigaba, vipaturo, mavesi, na wupu wa Mazgu gha Chiuta. Makani gha Paulosi kwa Bakorinto (1 Bakorinte 9.1-4) wakutipa chiyerezgero chiweme chomene mukatebeteskero ka nthowa iyi. • Kubazga kose kwa kwa Mazgu gha Chiuta kukwamba na kujipereka ku Mzimu Mtuba, mwene uyo pera ndi mlembi wa Baibulo, kweniso ndiyo pera uyo ngwakufikapo kunjirikizga muching’anamuro chake na kuzirwa kwake pa umoyo withu kuno kulero. • Stepu yakwamba pakutebeteska ndondomeko ya nthowa zitatu nkhulabiska kalembekero ka malemba, manyani vyamumtendeko na jando la buku, mlembi wake, na banthu awo bakalembekera makani agha, ulato wake, kweniso kang’anamuliro kake mu viyowoyero vyakupambana – pambana. • Stepu yachibiri, nkhusanga fundo zikuru – zikuru mwachisanisani mu chipaturo panji mu malemba ndipo vikukhwaska kusanga uthenga ukuru, unenesko, malanguro, visambizgo ivyo vili mumakani agho ghabazgika. Stepu iyi yikukhwaska kusanga uthenga uwo malemba ghakaba nawo kubanthu awo bakalembekera makani agha na ivyo malemba ghakupereka kwa ise kuno kulero. Fundo iyi yikwenera kupharika pakweru chomene, kuyezgeka na visambizgo vyose vya mu Baibulo na kubikika pakweru mukusambira na kutebeteska pa umoyo withu.

2