Misingi ya Utume wa Kikristo, Mwongozo wa Mkufunzi

/ 4 4 9

MISINGI YA UTUME WA KIKRISTO

ziko katika aina fulani ya mpangilio wa umuhimu. Majukumu haya ni muhimu kwa sababu Kirk anajaribu kuunganisha vipengele mbalimbali vya umisheni wa Kanisa vinavyochochewa na mtazamo mpana na wa kina zaidi kuhusu uwepo wa Ufalme wa Mungu na utendaji wake kupitia Kanisa. (Kimsingi nukuu hii itaingizwa katika Kitabu cha Mwanafunzi mwishoni mwa sehemu ya pili, ili kukupatia fursa ya kuijadili kwa kuzingatia maandiko ya Biblia kuhusu nafasi ya jiji na changamoto zake). Somo hili kuhusu jiji linaendana kikamilifu na orodha ya majukumu ya Kanisa iliyotolewa na Kirk. Kwa kuelewa jinsi Mungu alivyoibadilisha taswira ya jiji, tunaweza kuanza kuelewa ni aina gani ya matendo ya mageuzi, mipango, na juhudi tunapaswa kushiriki ili kuleta mabadiliko katika miji yetu, na katika miji ya dunia. Kama vile Mungu alivyolibadilisha jiji la kibinadamu kutoka kuwa kitovu cha uasi na uhuru wa kibinadamu hadi kuwa maskani ya watakatifu, makao ya Mungu na ya haki yake, vivyo hivyo nasi tunapaswa kuakisi utawala wake katika miji tunayoishi, tunapofanya kazi, na tunapopumzika. Somo hili lina uzito maalum kwa sababu ya nia na msukumo ulio nyuma ya Mtaala mzima wa Capstone. Mfululizo huu mzima umejengwa juu ya dhana kwamba Mungu anaweza kuwaita wanaume na wanawake kutoka mijini ili kuwahudumia wale wanaoishi mijini. Kile tunachoamini kuhusu wakazi na uwezo wa miji ya Marekani kinajenga moja kwa moja msingi wa mtaala huu, msingi wa wanafunzi wako, na msingi wa huduma ambazo wameitwa kufanya. Kiini cha yote haya ni mapambano ya imani—tunapambania kuona kama inawezekana au la kwa Ninawi na Yerusalemu za nyakati zetu kubadilishwa kweli kweli ikiwa watu wake watatubu, kuamini, na kujitiisha chini ya utawala na enzi ya Mungu kati yao. Zaidi ya hayo, kama waamini katika Kristo, tuna uhakika kwamba hata kama hawatabadilika, Kanisa lililoko mijini bado limeitwa, kama Kirk anavyosema, kuwa ishara na wakala wa Ufalme wa Mungu mahali ambapo Mungu ametuweka, hata kama ni katikati ya miji yenye giza ya taifa hili na ulimwenguni kwa ujumla. Uwezo wako wa kufafanua waziwazi maono na kusudi la Mungu kwa ajili ya jiji utakuwa wa msingi katika uelewa wa wanafunzi wako kuhusu huduma zao katika muktadha wa jiji. Hakikisha umetumia muda kwa umakini na kwa faida katika kupitia maarifa mbalimbali, malengo, mazoezi, na mifano halisi kabla ya kipindi cha darasa, na zingatia sana malengo ya somo hili. Kumbuka, kusoma kwako pamoja na maombi na kusisitiza malengo hayo katika somo zima kutaleta