Mtaala wa Cornerstone, Mwongozo wa Mkufunzi

M W O N G O Z O WA M K U F U N Z I / 1 5

ya umaskini kama Kristo alivyofanya. Yawezekana ni mfadhili, mchungaji mwenye kanisa katikati ya jiji, mfanyakazi wa kujitolea kwenye ghala ya chakula au kituo cha kutolea misaada ya kibinadamu, mwalimu, n.k. 6. Mtazamo tunaoujenga kwa ajili ya Kazi ya Kiukombozi dhidi ya Umaskini ni kuweza kutazama na kutenda kama Yesu alivyotufanyia sisi katika urejesho wa ajabu kupitia dhabihu. Kwa watu tunaofanya nao kazi, tunataka kuwa na uwezo wa kutoa njia za fursa, na kuwasaidia kuelewa kwamba wanaweza kutumiwa na Mungu na kuishi katika hali na mazingira walimojikuta. Baadhi wanaweza kuchagua kujaribu kuboresha maisha yao na wengine wasiweze kabisa kutoka katika hali waliyomo. Jambo ambalo hatuwezi kusahau ni kwamba pasipo kujali kwamba wanamiliki mali au la, Mungu anawapenda, na Mungu yuko pamoja nao ili kuwatumia. 7. Lengo la kozi hii ni kuwa na theolojia ya vitendo ya jinsi ya kufanya Kazi ya Kiukombozi dhidi ya Umaskini yenye mafanikio. Maelezo ya Kozi na Silabasi Pitia Maelezo ya Kozi, Malengo, na Silabasi (vinavyopatikana kwenye kurasa nambari 15-18 katika Kitabu cha Mwanafunzi). Yafuatayo ni baadhi ya mambo muhimu kuhusu kila somo: • Somo la 1: Tafakari Fupi ya Kitheolojia Somo hili halikusudiwi kutoa ufahamu wa kila kitu ambacho Biblia inasema kuhusu watu walio katika umaskini na hali ya umaskini. Badala yake, kama tukiulizwa ni Kwa nini tunafanya haya, utakuwa na jibu la kitheolojia kwa vitendo. • Somo la 2: Kazi Hatarishi ya Kupambana na Umaskini Katika somo hili, tunazungumzia tatizo la Kazi Hatarishi ya Kupambana na Umaskini, ambayo inatokana moja kwa moja na mtazamo wa kinyonyaji. Tutajadili jinsi hii inavyoweza kutokea pasipo kujitambua, na kwamba kuwa na nia nzuri pekee haitoshi. Kila mtu lazima ahoji mienendo na mtazamo wake wa kimaadili kwa habari ya Kwa nini anafanya Kazi ya Kupambana na Umaskini na kujiuliza, “Je, ninafanya katika misingi ya kibiblia?”