Mtaala wa Cornerstone, Mwongozo wa Mkufunzi

M W O N G O Z O WA M K U F U N Z I / 3 5

• Au tumia maswali ya majadiliano yafuatayo: 1. Je, umewahi kuishi katika umaskini? Je, uzoefu wako huo (au kutokuwa na uzoefu huo) unaathiri vipi uelewa wako wa umaskini? 2. Je, ni rahisi au ngumu kiasi gani kwako kukubali kwamba ikiwa umeshiriki katika Kazi ya Kupambana na Umaskini, wakati fulani, umefanya Kazi Hatarishi ya Kupambana na Umaskini? 3. Je, ni masuala gani ambayo unahitaji kuyashughulikia kibinafsi baada ya kujifunza kuhusu Kazi Hatarishi ya Kupambana na Umaskini? Jadili Mfano Halisi: Baadhi ya marafiki wanakuomba utembelee ghala la Kikristo la kugawa chakula kwa wahitaji, ambapo wanafanya kazi kwa kujitolea. Kama mtu wanayemwamini, wanataka uangalie na utoe maoni yako juu ya utendaji wa ghala hiyo. Jambo la kwanza unaloona unapotembea ni baadhi ya watu walio vifua wazi wakicheza kamari, kuvuta sigara na kunywa pombe karibu na mlango. Unapoingia ndani, unashangazwa na jinsi ndani palivyo giza na pachafu. Mambo yanaonekana yamekaa shaghalabaghala na huwezi kujua ni kwa namna gani watu wanavyopokea mahitaji yao. Watu wanachoka kusubiri. Kisha mhubiri kijana anakuja katika eneo la kungojea na kutoa mahubiri. Anapomaliza, kila mtu anainua mkono wake kumpokea Kristo. Baada ya kama saa moja hivi, mtu wa kwanza anaenda mbele kuchukua mfuko wa vyakula, jambo hilo linageuka kuwa mzozo mkubwa kati ya mtoa huduma na mteja juu ya uchaguzi wa chakula. Mtoa huduma anamwambia kwamba alichokipata ndicho kilichotolewa, na anapaswa kufurahiya. Baadaye, unatoka kwenda kula chakula cha mchana na marafiki zako ili kujadili uchunguzi wako. Unawaambia nini?

2

 8 Ukurasa wa 48 Mfano Halisi

K A Z I Y A K I U K O M B O Z I D H I D I Y A U M A S K I N I