Mungu Baba: Swahili Module 6 Mentor Guide

3 4 /

M U N G U B A B A

Hitimisho

» Kama aliyefanya na kuumba vitu vyote, Mungu anahusiana na ulimwengu wake kama aliyeko katika uumbaji wake na ambaye yuko juu sana ya uumbaji. » Kama aliyeko katika uumbaji, Mungu yuko na anahusika kikamilifu katika ulimwengu. » Kama aliye wa juu ya uumbaji , Mungu hana kikomo na hawezi kujulikana pasipo kutuwezesha kumuona na kumjua.

» Sifa za Mungu zinarejelea tabia za ukuu na wema wake.

1

Maswali yafuatayo yaliundwa maalum kukusaidia kufanya mapitio ya maarifa yaliyomo katika sehemu ya pili ya video. Kama Kanuni ya Imani ya Nikea inavyodokeza, kuna Mungu mmoja tu, Baba Mwenyezi, Muumba wa mbingu na dunia na vitu vyote vinavyoonekana na visivyoonekana. Kama aliyepo na anayefanya kazi katika uumbaji wake, lakini pia aliye juu zaidi ya uumbaji wake, lazima tuelewe sifa zake kwa kuzingatia ukuu na wema wake. Unapotafakari juu ya maswali yaliyo hapa chini, majibu yako yawe rahisi na ya moja kwa moja, na inapobidi, yaunge mkono kwa Maandiko! 1. Kanuni ya Imani ya Nikea inadokeza kwamba Baba Mwenyezi ndiye Muumba wa mbingu na nchi, wa vitu vyote vinavyoonekana na visivyoonekana. Kwa nini unafikiri huu ni ukweli wa kwanza na wa msingi kwa majadiliano yote na kujifunza juu ya Mungu? Elezea jibu lako. 2. Ipi ni asili ya uwepo wa Mungu katika uumbaji [immanence]? Ni kwa namna zipi Mungu hutuonyesha kuwa yupo na anajihusisha kikamilifu na mambo ya uumbaji na wanadamu? 3. Kwa nini ufahamu wa uwepo wa Mungu katika uumbaji ni wa muhimu sana kwetu kama wanafunzi wa theolojia? Je, zipi zinaweza kuwa athari za fundisho hili kwa umisheni, kwa ajili ya kuwavuta watu ambao hawana maarifa ya Mungu katika Yesu Kristo? 4. Ipi ni asili ya sifa ya Mungu kuwa juu zaidi ya uumbaji [transcedence]? Kwa nini ni lazima tusisitize kwamba Mungu hawezi kujulikana jinsi alivyo na kuhusu alivyo bila msaada wa Roho Mtakatifu?

Sehemu ya 2

Maswali kwa Mwanafunzi na Majibu