The Onesimus Workshop, Kinyarwanda Edition

U mugereka • 43

U mugereka W a 2 Amabwiriza Yo Guhererekanya Ubutumwa Mu Bagororwa Byakuwe mu gikorwa cya Prison Fellowship cyitwa “Gusura abagororwa binyuze mu ibahasha”

Tekereza ku bakumva: Ibintu abagororwa barimo batekerezaho

1. Guhangana n’ibititezwe: Abagororwa benshi, cyane iyo barengeje umwaka umwe bafunzwe, baba bafite ubwoba bwo kongera gusubira mu bandi. Baba bafite icyizere, gutinya, guhangayikishwa no gukora ibintu byose neza n’ubwoba bw’ingaruka bazahura nazo. Intambwe zabo ziba zimaze igihe zigenzurwa. Ntabwo batwaraga imodoka, nta mahitamo bagiraga, ntabwo bagize umwanya wo kwimenyereza igihe bakangukira, uko barya ndetse nuko bakoresha amafaranga yabo. Abenshi mu bahoze ari abagororwa batanga ubuhamya bw’ubwoba bagira igihe bagiye muri resitora maze bagasabwa guhitamo ibyo babaha cyangwa iyo agiye mu ihahiro agasanga afite amahitamo menshi. Ikoranabuhanga ryateye imbere igihe bari bafunze. Bashobora kutamenya uko bakoresha ikarita ya banki cyangwa uko ibyuma banywesherezaho amavuta y’imodoka bikora iyo bikoresha ikarita. Ni bake cyane muri bo bagize amahirwe yo gukoresha mudasobwa, rero ugasanga barahangayitse mu gihe ari ngombwa ko babikoresha kugirango babashe guhatana ku isoko ry’umurimo. Kandi nanone bazi ko bafite icyuho cy’imyaka runaka bagomba gusobanurira abakoresha aho bari bari. 2. Imihindagurikire mu muryango: Iyo umwe mu bashakanye agiye muri gereza, 85% z’ingo zirananirwa. Abagororwa benshi bafite imiryango yasenyutse bazahura nayo nibafungurwa. 3. Akamaro k’inshuti: Umuntu wo ku itorero ashobora gufasha mu gutegura uko bakirwa igihe barekuwe. Umwe mu bari bavuye muri gereza yaravuze ati, “Buri mugororwa usohotse udafite gahunda ya gikristo yo kwishingikirizaho azasubira mu mujyi yahozemo, inshuti yahoranye cyangwa ingirwa-nshuti hanyuma yisange muri bya bindi kera yahozemo. Bakeneye ubufasha bw’abakristo iyo bageze hanze.”

Mwitondere abiyoberanya N’abanyeshuri ba TUMI bashobora kugira intego zitari nziza

1. Ubushukanyi: Bamwe bashobora gukurikira ineza ubagirira ariko bagambiriye indonke.