The Onesimus Workshop, Kinyarwanda Edition

Ijambo ry’ibanze

Kimwe mu gice cy’abakozi kitarabyazwa umusaruro ku isi ni abantu bari muri gereza ndetse n’abahoze ari abagororwa. Umutima w’ubutumwa bwiza ni uko buri muntu ashobora guhindurwa n’urukundo rw’Imana, ubuntu bw’Umwami wacu Yesu Kristo, ndetse n’imbaraga zihindura za Mwuka Wera. Imana na Se w’Umwami wacu Yesu Kristo ni Imana y’ibidashoboka, ishobora guhindura imfungwa yatorotse, Onesimo (uw’umumaro) akera imbuto kandi akaba inshuti ikomeye y’intumwa Pawulo. Imana ntabwo ihagarikwa n’amateka y’umuntu, ibyegeranyo bya siyansi, inyandiko z’abahanga cyangwa ibishobora kubaho. Imana irenga ibisa n’ibishoboka, ikabyuzuza ubwenge n’ubuntu bwayo hanyuma igahindura imibereho n’imitima y’abantu kugirango iheshe icyubahiro izina ryayo rikomeye. Mu byukuri, Imana ishoboye byose. Kandi uku kuri yuko Imana ari Imana y’abakomeretse n’abatawe niryo shingiro ry’ubwenge bw’iki gitabo cyiza, umusaruro wa Don na Cathy Allsman uturutse mu ihishurirwa ryimbitse. Nka bagenzi bacu barambye mu murimo wo guhindura abahoze muri gereza abigishwa, Don na Cathy batanze umwanya, ibifatika n’ ibitekerezo ku bibazo by’ingutu ndetse n’amahirwe ari mu bagize itorero bari muri gereza ndetse n’abarekuwe. Ubwitange n’ubwenge bwabo butuma iki gitabo cy’amahugurwa kiba icy’umumaro kuri abo bose bifuza gusobanukirwa icyo ubwami buvuga ku murimo wabari muri gereza. Ku batizera, iki gitabo kizagaragaza kwizera gukomeye mu mbaraga z’Imana zihindura abagororwa, kandi ku banyabwoba muzabona uburyo busobanutse, inzira y’ubwenge yo kwirinda uburyo budahwitse bwo gufasha abahoze ari abagororwa. Kandi ku bantu ndeste n’abakristo bifuza kugira itandukaniro mu bwami bahindura ubuzima n’imiryango y’abahoze muri gereza, iki gitabo kizababera ubutunzi bukomeye. Cyuzuye ijambo ry’Imana, ubwenge bufatika ndetse n’inama z’abantu bakoze ivugabutumwa muri gereza no mu nzu z’imbohe, iki gitabo kizaba kimwe mu nyandiko zibafasha gukora ivugabutumwa mu itorero ryo muri gereza. Kuri abo mfata nk’inshuti zanjye za bugufi, mbona iyi nyandiko nk’umutima waba Allsman. Icyampa abasoma ibi bose bagashyira mu ngiro amahame ndetse n’amasomo bakuramo. Nizerako tubikoze twabona impinduka y’ukuri, itari mu magereza, mu nzu zimbohe

9