Ufumu wa Chiuta, Buku la Msambiri

1 3 2 /

UFUMU WA CHIUTA

wose bathereskeka na kubikika pasi pa muwuso wa Yesu Khristu, wizamkupereka Ufumu wake kwa Chiuta Dada mwakuti Chiuta wabe Fumu pa vyose ku vyose. ³ Chisambizgo cha vya Chiuta icho chikulongosora na umo vinthu vizamkubira pa umaliro wa charu ( Eschatology) na kwizaso kwa Fumu Yesu ( Parousia) ³ Tikwenera kubikapo mtima na lwana lose pakusambira na kusanda chisambizgo cha vyakuchitika pa umaliro wa charu (Kufiskika kwa Ufumu wa Chiuta) chifukwa ntchakutovwira kupulikiska, kuba ntcheru, na kuba batuba nga ndi umo Chiuta waliri, kweniso kovwirika pa utebeti withu ku babare bithu awo bataya bakutemweka bawo. ³ Chisambizgo cha Vyakuchitika mthazi kwa munthu wali yose payekha payekha ( I ndividual eschatology) chikukhwaska vinthu ivyo vizamkuchitika kwa munthu wali yose payekha payekha, apo chisambizgo cha umaliro wa charu, (cosmic eschatology) chikukhwaska umaliro wa charu, chilengiwa na banthu wose mucharu. ³ Kwakuyana na umo Baibulo likusambizgira pa makani gha nyifwa, tikumanya kuti nyifwa yiriko kwa banthu wose, ndipo kabiro ka nyifwa nkhakuwuzimu na kuthupi. Kufwa kuthupi ndi apo mzimu na thupi vyalekana ndipo kufwa kuwuzimu ndi usange mzimu wa muthu wapatukana na Chiuta kwa muyirayira. Nyifwa zose, kwali nkhuthupi panji kuwuzimu, ntchifukwa cha kwananga na cheruzgo cha Chiuta pa kwananga. ³ Apo nyifwa ndi chinthu chiheni na chakuchuruska ku banthu bambura kupulikana, nyifwa kuti ndi nthembo kubakupulikana chra, pakuti Yesu wali kuzgoka nthembo mumaro mwa ise. Nanga wuli nyifwa ya kuthupi njakwenelera ku bakupulikana, ku bakupulikana, nyifwa ndi jambuko lakurutira kuchanya ku ba Dada uko bamkukhara Pamoza na Fumu Yesu na Chiuta Dada. Ku bambura kupulikana, fundo zakuti bakufwa bakugona turo na ya chilindizga cha kumaro ghakupumulira (purgatory) ndi visambizgo vyambura unenesko wa mu Mazgu gha Chiuta, kwene unenesko ngwakuti bamkusuzgika ku gehena (Hades: nthamba ya bakufwa) apo bakulindilira cheruzgo cha Chiuta. ³ Ufumu wa Chiuta wizamkukhazikiskika na kufiskika usange Yesu wizaso mucharu, ndipo kwizaso uku kwizamkubako, mwalubiro, munyengo yambura kumanyikwa kwa bakupulikana na bambura kupulikana, kwene munyengo ya kumanyikwa na baDada, wakwiza muthupi, wakuwoneka na munthu wali yose, wakuzura na uchindami na nkhongono. Ndi

4