Ufumu wa Chiuta, Buku la Msambiri

/ 1 3 5

UFUMU WA CHIUTA

malo wuli apo bakulindizga kwiza kwa cheruzgo ndipo kasi umaliro wawo ngwakuti wuli? * Kasi tingadidimizga wuli pa makani gha chisambizgo cha umaliro wa na kweruzgika kwa charu na banthu, (Eschatology), panji kubikapo mtima pa vyakuchitika pa umaliro wa charu? Kasi mphawuli apo kusambizga vinthu ivi kukuwoneka kuba kwambura chanduro panji kuba chinthu chakutayiska waka nyengo? * Kasi mukwenera kupulikana na fundo yakuti banthu banji bamkuba ku umoyo wa myirayira mugehena mwakuti muwoneke kuti mukupulikiska na kugomezga mwakwenelera ivyo Baibulo likusambizga? * Kasi makani nga ndi gha vilimika vikwi na Masuzgo Ghakuru ngakukhumbikwa wuli kubalongozgi? Ngakovwira wuli pakuvikilira visambizgo vya unenesko? Kasi pali mphambano wuli pa umanyi uwu na kuwura kuba na umanyi uwu pa balongozgi? Kumanya kupereka mphambano Mipingo iyo muli banthu bamitundu yakupambanapambana yazgoka yakutemweka chomene na banthu kuluska mipingo iyo nja banthu bamtundu waka umoza pera. Sabata na Sabata banthu bakuwunjikana pamoza na ulato wakumusopa Chiuta. Mpingo wunji wantheura uwu, mliska wawo wakaleka ntchito, ndipo mpingo wabika wupu wa banthu pamoza mwakuti bavwirane kupenjerezga mliska mweneuyo wanganjira mumalo mwa mliska uyo waleka ntchito pa mpingo wura. Pakufumbilira baliska banandi, banji babaliska awo bakalongora kuyitemwa ntchito iyi na kukhumba kunjira mumalo mwa mliska yura, wupu wura ukagomezga kuti sono basanga mliska muweme wakuti wanjire mumalo mwa mliska uyo wakaleka ntchito. Munthu wakutemwa kuromba, kubazga Mazgu gha Chiuta na kughachita, wakuwutemwa mpingo wa Chiuta, ndipo wakaba wakunozgeka kwiza na kuzakayamba ntchito. Suzgo likabapo limoza likaba lakuti Mliska mupya uyu wakatemwanga kupharazga na kusambizga vya uchimi wa Chiuta, chomenemene pa makani gha umoyo wa myirayira ku awo mbakupulikana na charango cha myirayira kwa awo mbambura kuponoskeka. Mpingo uwu ukugomezga kuti tose tikupenja ntheura kulije charango kwa wali yose kufumira kwa Chiuta. Tikupenjerezga uchizi wa Chiuta kwizira mukutemwa, milimo yiweme, kugaba vyawanangwa na kubatemwa banthu bakutayika pambere tindayambe kubapharazgira Mazgu gha kweruzga kwa Chiuta. Mliska uyu wakaphara pakweru kuti wakukhumba kupika wanangwa wa kupharazga makani gha ukari na kweruzga kwa Chiuta, chiuka cha bakufwa, na chigomezgo cha umoyo wa myirayira. Banthu banji mbakukhwaskika

MAKANI GHA CHIYEREZGERO

1

4