Ufumu wa Chiuta, Buku la Msambiri

1 6 4 /

UFUMU WA CHIUTA

NDONDOMEKO 15 Mavesi gha Ufumu wa Chiuta mu Chipangano Chasono

Mateyo 3. Wakati, “Ng’anamukani mtima, pakuti Ufumu wa kuchanya waneng’enera” Mateyo 4. Kufuma nyengo yeneyira Yesu wakamba kupharazga wakati, “Ng’anamukani mu mtima pakuti Ufumu wa kuchanya waneng’enera.” Mateyo 4. Yesu wakenda mu Galileya zingirizge, ndipo wakasambizganga mu nyumba zawo zakusoperamo na kupharazga uthenga uweme wa Ufumu wa Chiuta Ndipo wakachizgangaso ŵanthu ŵa nthenda za mitundumitundu na vyakuŵinya vyawo. Mateyo 5.3 “Mbakutumbikika awo mbakavu mu mzimu, pakuti Ufumu wa kuchanya ngwawo! Mateyo 5.10 Mbakutumbikika awo ŵakuzikizgika chifukwa chakuchita ivyo Chiuta wakukhumba, pakuti Ufumu wa kuchanya ngwawo! Mateyo 5.19 Ntheura yose uyo wangapepura limoza lichoko chomene la marango agha kusambizga ŵanyakhe kuchita ntheura, wamkuchemeka muchoko wa wose mu Ufumu wa kuchanya. Kweni yose uyo wakughachita na kusambizga ŵanyakhe, ndiyo wamkuchemeka mukuru mu Ufumu wa kuchanya. 20 Pakuti nkhumuphalirani, kwambula kuti urunji winu uruske urunji wa ŵamanyi marango na ŵaFarisi, kuti mwamkunjiramo chara mu Ufumu wa kuchanya.” Mateyo 6.10 Ufumu winu wize, khumbo linu lichitike pano pasi nga nkhuchanya. 11 Mutipe lero kurya kwithu kwa lero Mateyo 6.33 Kweni penjani nanga Ufumu wa Chiuta na urunji wakhe ndipo vyose ivi viti viŵengeso vyinu. 34Ntheura rekani kwenjerwa na vya na machero chifukwa zuŵa la machero liti lijenjerwerenge lekha. Zuŵa lirilose liri na suzgo lakhe lakukwanira. Mateyo 7.21“Kuti ndi yose uyo wakuti, ‘Fumu, Fumu’ mweneuyo wati wanjirenge mu Ufumu wa kuchanya chara, kweni uyo wakuchita khumbo la Ŵadada ŵa kuchanya ndiyo. Mateyo 8.11 Ntheura nkhumuphalirani kuti, ŵanandi ŵamkwiza kufuma ku mafumiro gha dazi na ku manjiliro ghakhe, ndipo ŵamkukhara pa kurya pamoza na Abrahamu, Yisake na Yakhobe mu Ufumu wa kuchanya. 12