Ufumu wa Chiuta, Buku la Msambiri

1 7 0 /

UFUMU WA CHIUTA

Mavesi gha Ufumu wa Chiuta mu Chipangano Chasono (Mwakulutirizga)

Mariko 15.43 Yosefe wa ku Arimatiya, munthu wakuzirwa wa mphara yikuru ya ŵaYuda, nayoso wakapenjanga Ufumu wa Chiuta Iyo wakaŵa na chikanga ndipo wakaruta kwa Pilato, na kupempha thupi la Yesu. Luka 1.33 Wizamkuwusa swii pa mbumba ya Yakhobe, ndipo Ufumu wakhe kuti wizamkumara chara.” Luka 4.43 Kweni wakati kwa iwo, “Nkhwenera kupharazga Uthenga Uweme wa Ufumu wa Chiuta na mu misumba yinyakheso, pakuti cheneichi ndicho Chiuta wakanditumira.” Luka 6.20 Kondwani mu zuŵa ilo na kudukaduka na chimwemwe, chifukwa njombe yinu njikuru kuchanya. Pakuti ntheura ndimo ŵawiskewokuru ŵakachitira ku nchimi. Luka 7.28 Nkhumuphalirani kuti, ‘Mu ŵanthu wose awo ŵali kubabika mu ŵanakazi, mulije na yumoza uyo ndi mukuru kuruska Yohane. Kweni uyo ndi muchoko chomene mu Ufumu wa Chiuta ndi mukuru kuruska iyo.’ Luka 8.1 1Pamanyuma pa ichi, Yesu wakenda mu misumba na mu vikaya vyose kupharazga Uthenga Uweme na kuŵaphalira ŵanthu vya Ufumu wa Chiuta Ndipo ŵasambiri 12 ŵakaŵa nayo. Luka 8.10 Yesu wakazgora wakati, Kwa imwe kuli kupika mwaŵi wakumanyira vya muchindindi vya Ufumu wa Chiuta. Kweni ŵanji ŵakwenera kumanyira mu ntharika, pakuti kulaŵiska ŵangalaŵiska nadi, kweni ŵareke kuwona kanthu, kupulika ŵangapulika nadi, kweni kuti wapulikiske kanthu chara. Luka 9.2 Wakaŵatuma kuti ŵakapharazge Ufumu wa Chiuta na kuchizga ŵanthu ŵarwari. Luka 9.11 Kweni ŵanthu ŵakati ŵamanya ichi, ŵakamurondezga. Ndipo iyo wakaŵapokerera, na kuŵaphalira vya Ufumu wa Chiuta, na kuŵachizga awo ŵakakhumbanga kuchizgika. Luka 9.27 Kweni nkhumuphalirani unenesko, ŵalipo ŵanji awo ŵakwimilira pano, awo kuti ŵati ŵafwenge chara ŵasuke ŵawone Ufumu wa Chiuta.” Luka 9.60 Kweni Yesu wakati kwa iyo, “Ŵareka ŵakufwa ŵasunge ŵakufwa ŵawo. Kweni iwe rutanga ukapharazge mazgu gha Ufumu wa Chiuta.” Luka 9.62 Yesu wakati, “Munthu uyo wakora jembe kuti wagawule ndipo wakulaŵiska kumanyuma walije kwenera kuŵa mu Ufumu wa Chiuta.”