Ufumu wa Chiuta, Buku la Msambiri

1 7 4 /

UFUMU WA CHIUTA

Mavesi gha Ufumu wa Chiuta mu Chipangano Chasono (Mwakulutirizga)

Milimo 14.22 Ŵakakhomeska mitima ya ŵasambiri ŵara na kuŵachiska kuti ŵakhalirire mu chipulikano, pakuyowoya kuti, “Tikwenera kwenda mu visuzgo vinandi kuti tikanjire mu Ufumu wa Chiuta.” Milimo 20.25 “Sono nkhumanya kuti mose imwe ndamwenderaninge kumupharazgirani Ufumu wa Chiuta kuti mwamkuwonaso chisko chane chara.” Milimo 28.23 Ntheura ŵakapangana zuŵa ilo ŵangakumana nayo Paulosi, ndipo ŵanthu ŵanandi ŵakiza zuŵa lira uko Paulosi wakakharanga. Kufuma ku mulenje mpaka ku mise, Paulosi wakaŵarongosorera na kuŵaphalira vya Ufumu wa Chiuta. Ntheura wakayezga kuŵakhorweska kuti ŵapulikane na Yesu kufuma mu Dango la Mozesi na mu malembo gha ntchimi. Milimo 28.31 Wakaŵapharazgira vya Ufumu wa Chiuta na kuŵasambizga vya Fumu Yesu Khristu pakweru kwambula kujandizgika na waliyose. Baroma 14.17 Pakuti Ufumu wa Chiuta kuti ngwa kurya na kumwa chara, kweni ndi urunji na mutende ndiposo na chimwemwe mu Mzimu Mutuŵa. 18 Chifukwa yose uyo wakuteŵetera Khristu mu nthowa iyi, wakukondweska Chiuta na kurumbika na ŵanthu. 1 Bakorinto 4.20 Pakuti Ufumu wa Chiuta kuti uli mu kuyowoya pera chara, kweni na mu nkhongono wuwo. 1 Bakorinto 6.9 Kasi mukumanya chara kuti ŵanthu ŵakwananga ŵamkunjira chara mu Ufumu wa Chiuta? Mungajipusikanga, ŵanthu ŵazaghali, ŵakusopa vikozgo, panji ŵaleŵe, panji ŵakuchita uzaghali ŵanarume pera, 10 ŵankhungu, ŵakudokera, ŵaloŵevu, ŵakutuka, na ŵakukwapura, ŵeneaŵa kuti ŵamkunjira chara mu Ufumu wa Chiuta 1 Bakorinto 15.24 Penepapo umaliro wa charu wamkwiza. Khristu wamkumarizga ŵakuwusa wose ŵa uzimu, mazaza ghose, na nkhongono, ndipo wamkupereka Ufumu kwa Chiuta Dada. 1 Bakorinto 15.50 Icho nkhuyowoya mwa ŵabali nchakuti, thupi na ndopa kuti vikumanya kunjira mu Ufumu wa Chiuta chara, nanga ndi icho nchakuvunda kuti chingamanya kuhara icho chikureka kuvunda chara. Bagalatiya 5.19 Milimo ya thupi yikuwoneka waka pakweru, ndipo ndi iyi: uzaghali ukazuzi, udokezi, 20 kusopa vikozgo, kuwukwa, tinkho, zawe, sanje, ukari, kujitemwa, mphatukano, kujipatula, 21 bina, uloŵevu, uryezi na vinyakheso