Ufumu wa Chiuta, Buku la Msambiri

1 7 6 /

UFUMU WA CHIUTA

Mavesi gha Ufumu wa Chiuta mu Chipangano Chasono (Mwakulutirizga)

kutiso ŵakanjire mu Ufumu uwo wali kupangana kuŵapa awo ŵakutemwa iyo? 2 Petrosi 1.1 Ntheura mwamkuŵa na mwaŵi ukuru wakunjirira mu ufumu wa muyirayira wa Fumu na Muponoski withu Yesu Khristu. Uvumbuzi 1.6 ndipo wali kutizgora ise kuŵa ufumunkhuru na ŵasofi kuti timuteŵeterenge Chiuta, Ŵawiske. Ntheura kwa Yesu Khristu kuŵenge nchindi na mazaza kwa muyirayira. Ameni. Uvumbuzi 1.9 Ine Yohane, mubali winu ndipo uyo wakusangana namwe mwa Yesu visuzgo na Ufumu wa Chiuta na kufwirirapo mu kuzizipizga. Nkhaŵikika pa chirwa cha Patimo chifukwa chakupharazga Mazgu gha Chiuta na kuŵa kaboni wa Yesu. Uvumbuzi 5.10 Mulikuŵazgora kuŵa mu ufumunkhuru na ŵasofi ŵakuteŵetera Chiuta withu, ndipo iwo ŵawusenge pa charu cha pasi.” Uvumbuzi 11.15 Mungelo wachinkhonde na chiŵiri wakati walizga mbata yakhe, mu mtambo mukafuma mazgu ghakuru ghakuti, “Mazaza gha kuwusa charu ghali mwa Fumu yithu na Mesiya wakhe. Ndipo ndiyo wati wawusenge kwa muyirayira swii.” Uvumbuzi 12.10 Penepapo nkhapulika mazgu ghakuru kufuma kuchanya, agho ghakati, “Sono ndipo chafika chiponosko, nkhongono, Ufumu wa Chiuta withu, na mazaza gha Mesiya wakhe. Pakuti mtunduli wa ŵabali ŵithu uyo wakuŵatundura pa maso pa Chiuta muhanya na usiku waponyeka pasi. Uvumbuzi 16.10 Mungelo wa chinkhonde wakapungulira pa chizumbe cha ufumu wa chikoko chira ivyo vikaŵa mu bakule wakhe. Ndipo ufumu wakhe ukaŵa mu chisi. Ŵanthu ŵakajiruma malulimi ghawo mu urwirwi. Uvumbuzi 17.12 “Masengwe khumi agho ukawona ndi ŵakaronga khumi awo ŵandapokere mazaza gha ufumu. Kweni ŵizamkupokera mazaza pa ora limoza pera nga Uvumbuzi 17.17 17Pakuti Chiuta wachiŵika mu mitima yawo kuti ŵachite khumbo lakhe, pakuchita na mtima umoza na kupereka mazaza ghawo ku chikoko, ghasuke ghafiskike mazgu gha Chiuta.”