Ufumu wa Chiuta, Buku la Msambiri

/ 1 9 3

UFUMU WA CHIUTA

Vitumbiko 33 ivyo viri mwa Yesu Khristu (Mwakulutirizga)

ba mu ufumu wa Chiuta ivyo vikwenera kulongoreka mubanthu ba muchikaya ichi. Ufumu uwu mu uzari wake ukwenera kuba chikaya icho chikwendeskeka na midauko na maluso gha chikhristu. Fundo iyi yikukoleranako chomene na kaghanaghaniro ka post-millennialism; kughanaghana uku kukapulikiskikanga chomene mu nyengo ya 19th-century apo banthu bakakhazganga kuti Ufumu uwonekenge chomene muchikaya chabanthu. 8. Ufumu nga nkhufiskika kwa urunji na Mtende wakufikapo (Utopia) – Ufumu mucharu chapasi Fundo iyi yikukozgana na fundo ya nambara 7 nanga wuli iyi njakulutilirako pachoko. Yikususkana na kuti mucharu muli kwananga. Fundo iyi yikusachizgira kuti mucharu mwamkuba Mtende na urunji wakufikapo, ndipo yikuwona kwananga nga ndi chinthu chakuchita kuyata waka. Banandi awo bali na fundo iyi bakugomezgaso chomene fundo ya vilimika 1,000 vya kuwusa kwa Khristu Yesu mucharu (Cohn, Pursuit of the Millennium ) mwakusazgirapo chogomezgo cha mu vilimika vya 19th-century mu charu cha Amereka na ma ufumu gha mucharu cha Briteni. Basekuru ba chikhristu mucharu cha Amereka nawo bakaba na kaghanaghaniro aka.