Ufumu wa Chiuta, Buku la Msambiri

2 1 4 /

UFUMU WA CHIUTA

Chisambizgo cha Mpingo (Mwakulutirizga)

2. Chisopo ndicho ndi ulato wa machanya ghose na charu chose chapasi, na vyamoyo vyose ivyo vilimo (Masalmo 148-150; Luka 19.37-40; Baroma 11.36; Uvumbuzi 4.11; 15.3-4). 3. Chisopo ndicho ndi ntchindamira ya milimo yose ya bangero awo bakumurumba Chiuta mukabiro kake (Yesaya 6; Uvumbuzi 5). 4. Chisopo ndicho ndi mlimo wa wumba wose wa batuba, bakhristu wose, bamoyo na bakufwa awo bakupenjerezga kumuthuwuska Chiuta mu vinthu vyose (Masalmo. 29.2; Baroma 12.1-2; 1 Bakorinto 10.31; Bakolose 3.17). B. Mpingo ukupereka chisopo cheneko kwa Chiuta. Ichi chikung’anamura kuti: 1. Basopisopi bakukana ba chiuta banyake wose na vipulikano vyawo ivyo vikuphara kasopero kanyake ako kakukoleranako kutebetera na kusopa bachiuta banyake (Kufuma 34.14; 1 Batesalonika 1.9-10). 2. Basopisopi bakusopa: a. Mu Mzimu – nga mbakuzgoka awo, kwizira mu chipulikano icho chikuponoska mwa Yesu Khristu, bali kuzuzgika na Mzimu Mtuba na kurongozgeka nayo. b. Mu wunenesko wose – kupulikiska Chiuta nga ndi umo wali kuvumbukwira mu Baibulo na kusopa kwakuyana na chisambizgo cha Mazgu gha Chiuta. c. Mu wutozi – Kukhara umoyo uwo ukurongora unenesko wawo mukukhumba kutebetera Chiuta wamoyo. C. Mpingo ukusopa nga mbasofi ba chifumu, na mtima wose bakupereka sembe za kumuchindika Chiuta na kubikapo lwana lose pakumsopa mwa kufikapo. 1. Mpingo wa Chikhristu mbanthu awo bakumusopa Chiuta. Ndi maro ghakusoperapo chara, kweni banthu awo bakumsopa Chiuta.