Ufumu wa Chiuta, Buku la Msambiri

2 4 4 /

UFUMU WA CHIUTA

Kukhozga banthu kuba Banangwa, Kuzara na Urunji (Mwakulutirizga)

Tikuchita milimo ya kukuzga umoyo wa banthu chifukwa tikukhumba kuti mipingo iyo tayambiska nayo yichitenge ntchito zalusungu muchikaya chawo. Tikukhumba kulongora chiyerezgero chakuti uthenga uweme wa chiponosko wendenge kufuma pa chipulikano kuya kafika pa mlimo, kufuma pa kupulika waka Mazgu na kuya kafika pa kutebetera. 4.2 Chikumbusko chakuzirwa chomene Apa tipereke ntchenjezgo. Tingamanya chara, kwizira munkhongono zithu patekha, kwiziska Ufumu wa Chiuta. Nga ndi umo Paul Hiebert wakutikumbuskira, “kutebeta kwithu nkhwambua machitiko usange tikuchita mlimo uwu na nkhongono zithu. Utebeti wagona pa ivyo tikuchita chara, kwene ndi vinthu ivyo Chiuta wakuchita mwa ise” (Hiebert 1993, 158). Ivangeli, kwambiska mipingo, na mlimo wa chitukuko, vyose vikwenda chifukwa cha nkhongono ya Chiuta mweneko. Kumanya ivyo vikwenera kuchitika na tingachitira vili mukumanya panji kunozga makora kachitiro kavinthu chara, kwene. Mlimo withu wakwamba nkhugomezgeka kwa Chiuta withu, kupulikira unjirikizgi na udangiliri wake na kuzomerezga ntchisko yake. Taphara kuti: Batebeti ba Mlimo wa Chitukuko bakuzomerezga banthu, mipingo na vikaya kusanga Mtende, uzali, na urunji wa Ufumu wa Chiuta. Ndondomeko iyo tikutebeteska pakutorapo lwande, na udumuliro uwo tikupanga kuti tisange ivyo tikukhumba vikwenera kurongozgeka na dango ilo likukoleranako na khumbiro la Chiuta pa maubare gha banthu. Mdauko ndi maluso gha makhaliro gha banthu na kabiro kawo. Nkhusanda mwaluso fundo na nthowa banthu bakupambaniskira uwemi ku uheni na urnji ku ujira. Mdauko wa chikhristu pa chitukuko ukutovwira kuti tipange udumuliro pa makani gha kukuzga (kutukura) umoyo wa banthu pakulondezga umo Baibulo likusambizgira. Mdauko ukutovwira kuti tighanaghane makora na kutebeta mwakwenelera. Mdauko ndi kukhwaskika na umo vya Chiuta vikwenera kuchitikira pa umoyo withu, kaghaghaniro kithu, na nkharo yithu. Ntchakufikapo chara kumanya unenesko. Mumalo mwake, tikovwirika kusanga umo tingatebeteskera unenesko Mdauko wa Chitukuko

5. Jando