Ufumu wa Chiuta, Buku la Msambiri

2 4 6 /

UFUMU WA CHIUTA

Kukhozga banthu kuba Banangwa, Kuzara na Urunji (Mwakulutirizga)

Kulongosora Pakuba banthu awo bali muchikozgo cha Chiuta, munthu wali yose, kwambura kulabiska uko wali panji kabiro kake, ngwakuzirwa chomene na wakuchindikika. Banthu bakwenera kupika ntchindi, kukuzgika muchitemwa, na kupika vyakwenelera kwakuyana na kuzirwa kwawo pa maso pa Chiuta. Chitukuko icho chitopoko chake ndi Baibulo chikutombozga banthu chara na chifukwa cha chuma panji kutebeteska banthu nga ndi chakupangirapo ndalama, kwene chikuzirwiska banthu nga mbakuzirwa chomene pa iwo bekha, bakwenera kutemweka na kupika ntchindi chifukwa cha kuzirwa kwawo uko Chiuta wali kubapa. Kulongosora • Banthu bakwenera kupika mwabi munthowa yili yose ya chitukuko Chitukuko chikwenera kusazgako kukukhutiskika kwa banthu, kovwira pa kutukura umoyo wa banthu, ndipo chikwenera kuchiska ulinda uweme na wakwenelera pakati pa bantu awo bakutorapo lwande pa milimo ya kutukura banthu. • Ntchindi kose kose ndi zakwenelera pa chitukuko Ku banthu bakavu, umoyo ngwakusuzga chomene ndipo ngunonono nkhanira. Bakavu bakukumana na masuzgo ghanandinandi waka ndipo bakukhozgeka soni nyengo zose. Munyengo zinandi bakususkika na kutombozgeka chifukwa cha ndondomeko zitali na zinono ndipo bakweruzgika mwambura kwenelera chifukwa chakusoba wovwiri. Chitukuko chikulabiska chomene pa ma uthenga agho ghakuperekeka ku banthu bakavu. Chitukuko cha kukhozgeka na Mazgu gha Chiuta chikumanya kuti banthu bakavu bali mukati mulusungu lwa Chiuta na uthenga uweme. Bali kusankhika kuba basambazi muchipulikano ndipo mbahaliri ba Ufumu wa Chiuta (Yakhobe 2.5). Chitukuko ichi chikupenjerezga kuwoneska urunji wa Chiuta, kukhozga bakavu kwizira mukachitiro kake na kukuzga ubare wabanthu. Wovwiri uwo ukwiza kwambura ntchindi pa banthu ngwakunyoza na kuyuyura banthu. Mwantheura, wovwiri wose uwo ukwiza kwa banthu ukwenera dankha kuchindika banthu. Chinthu chili chose icho chikuleka kubapa thumbiko banthu ntchambura kuzomerezgeka chifukwa nkhwananga na muyuyuro ku banthu.