Ufumu wa Chiuta, Buku la Msambiri

/ 2 4 9

UFUMU WA CHIUTA

Kukhozga banthu kuba Banangwa, Kuzara na Urunji (Mwakulutirizga)

kudumbiskana na banyawo mwakubika vinthu pakweru nyengo zose. Usange vinthu ivi vilipo, udumuliro unandi ukwenera kupangika na banthu awo bali na mlimo wakutebeta. Udumuliro wuli wose ukwenera kughanaghanira banthu awo bakukhwaskika na mlimo, mawubare ghawo, kabiro ka vinthu muchikaya umo mlimo wamkuchitikiramo na kabiro ka vinthu panyengo iyo mlimo wamkuchitika. • Malipiro ghakwenera kuba ghakwenelera. Usange mlimo wa chitukuko ukukhwaska banthu awo balembeka ntchito, wakulemba banthu wakwenelera kughanaghanira malipiro gha awo balembeka ntchito. Bakulembeka ntchito bakwenera kulipirika makora kwakuyana na mlimo uwo batebeta pa kukuzga mlimo uwo bali kuchita. • Visambizgo vyakunozgekereska batebeti vikwenera kukhwaska kuzirwa kwa ulinda na kupereka. Ntchakwenelera chomene kuti banthu bamanyiskike kuzirwa kwakupereka. Banthu bakwenera kusambira kupereka kwa Chiuta na banthu. Ivi vikwenera kusambizgika pambere utebeti undayambike. Munthu wali yose wakwenera kumanya kuti wali na mulimo wakupereka. Munthu wali yose wakwenera kumanya kuzirwa kwa kukupokera na kupereka (Luka 6.38). Fundo iyi yikwenera kumanyikwa makora na wali yose uyo wakutorapo lwande pa mlimo uwu. 6.3 Mlimo wa Chitukuko ukwenera kumazga kaluso ka kugomezga vyakupokera vyawaka (vwawanangwa). Kulongosora Chitukuko chikudidimizga kuti munthu wali yose wakwenera kusambizgika na kukhozgeka kuti wasangenge pa iyo yekha mwakuti wamanye kujiyimira payekha. Kuchiska na kukuzga kaluso kakugomezga vyakupokera vya waka kukupangiska kuti banthu batondeke kumanya na kukuzga luso ilo lili mwa iwo. Bakutondekaso kuba banthu bakupokera kufumira kwa Chiuta, mwantheura bakukhara umoyo wakugomezga banthu nyengo zose. Suzgo likubapo ndakuti banthu awo bakukhalira kugomezga vyaulere bakukura chara ndipo bazakasuzgika usange Mlimo wa Chitukuko wamara. Suzgo linyake ndakuti wupu wakovwira banthu ukuwoneka kuba wambura wakutora malo ghawo, ndipo banthu bakukhara ngati mbuzi yakukakirika pakhuni kwambura wanangwa wakupenja pa iwo bekha.