Ufumu wa Chiuta, Buku la Msambiri

2 8 0 /

UFUMU WA CHIUTA

NDONDOMEKO 36 Umoza na Yesu: Untchindamira wa Yesu Chikhristu pakuba pamoza na Yesu, kujilambika kwa iyo, na Kujipereka kwa Yesu wa ku Nazareti Mavesi agha ghakuphara na kujilambika na kujipereka kwa Yesu wa ku Nazareti Yohane 14.6 Chisimi cha Yakhobe chikaŵa kwenekura. Ndipo ntheura Yesu pakuti wakavuka na ulendo, wakakhara pasi murwande mwa chisimi, apo nyengo yikaŵa pafupi 12 koloko na muhanya. Yohane 15.4 Kharani mwa ine, ndipo ine mwa imwe. Nga ndi umo munthavi ungatondekera kupambika vipambi pa iwo wekha kwambula kuti ukhare mwa mpheska, ntheura namweso mungapambika vipambi chara, kwambula kuti mwakhara mwa ine. 5 “Ine ndine mpheska, imwe ndimwe minthavi. Munthu yose uyo wakukhara mwa ine ndipo ine mwa iyo, ndiyo wapambikenge vipambi vinandi. Pakuti kwambula ine, kuti mungamanya kuchita kanthu chara. Yohane 17.16 Kuti mba charu ichi chara, nga ndi umo ine nane kuti ndili wa mu charu ichi chara. Baroma 6.4 Ntheura para tikabapatizikanga, tikasungika pamoza nayo na kusangana nayo mu nyifwa, mwakuti nga ndi umo Khristu wakawuskikira ku nyifwa na nkhongono ya uchindami wa Ŵadada, ntheuraso ise nase tikharenge na umoyo uphya. 5 Usange tikabatikana na Khristu mu nyifwa yakhe, ntheuraso tamkuŵa nayo pakuwuka, nga ndi umo iyo wakawukira. Baroma 8.16 Mzimu wa Chiuta pamoza na mzimu withu, ŵakutipanikizgira kuti tili ŵana ŵa Chiuta. 17 Sono usange tili ŵana ŵa Chiuta, ipo tiliso ŵahariri ŵa Chiuta ndiposo ŵahariri ŵamoza na Khristu para tikusangana nayo mu visuzgo vyakhe, mwakuti nase tichindikike nayo pamoza. Baroma 8.29 Pakuti awo Chiuta wakaŵamanya kale wali kuŵamikirathu na kuŵazgora kuti ŵaŵe nga ndi Mwana wakhe, mwakuti iyo waŵenge mukuru mu ŵabali ŵanandi. Baroma 13.14 Kweni vwarani Fumu Yesu Khristu, nga ndi homwa linu, mureke kughanaghanira thupi la kwananga panji kulikhutiska na ivyo likukhumba. 1 Bakorinto 15.49 Nga ndi umo tiliri na chikozgo cha Adamu wakufuma ku dongo, ndimoso tamkuŵira na chikozgo cha Khristu munthu wa kuchanya.