Ufumu wa Chiuta, Buku la Msambiri

/ 4 3

UFUMU WA CHIUTA

Weleranimo na munyinu, lembani panji pharani vesi la pamtima apo munyinu wakumutegherazgani: Yesaya 14.12-17.

Mavesi gha pamtima

Perekani mlimo winu wa kubazga wa musabata lamara, vyakulemba vinu mwaufupi apo mukuphara mutu na ulato wa mulembi pa kulemba makani ghake pa ivyo mukabazga.

Kupereka Mlimo

KUKHWASKANA

Kasi mungazgora wuli mafumbo agha?

“Chiuta wakamba kukhazikiska Ufumu wake (kung’anamura jando, panji chiyambi) mu umoyo wane apo kukachitika………….” Kasi mungaphara nyengo iyo Chiuta wakamba kuwusa mu umoyo winu? Kasi wakamba kuwusa mu umoyo winu apo mukazgokeranga na kupulikana na iyo? Panji pa dazi ilo mungapokelerekera kuba yumoza wa mpingo winu? Panji pa dazi ilo mukababikira mucharu, panji pambere mundaweko? Usange mukuli manya dazi ilo mukazgokera, kasi mungaphara?

1

2

Unenesko panji Utesi?

“Kasi ntchakwenelera kusachizga kuti Ufumu wa Chiuta undabepo na jando panji chiyambi, pakuti Chiuta wakhara wali Chiuta, ndipo nga ndi Chiuta, wakhara wakuwusa. Kasi palli unenesko wuli pakayowoyero aka? Kasi pali nthimbanizgo yili yose pakayowoyero aka? Kasi kuwusa kwa Chiuta mwa munthu, mu mbumba, panji mucharu, kuli na jando? Panji Chiuta wakhara wali Fumu ya myoyo yithu, kwali tikuzomerezga panji chara?

2

Kasi tili na khumbiro lithu na lithu?

Mu mbiri ya kaghanaghaniro panji visambizgo vya Chiuta, banthu bakopa Chiuta bakhara bakudumbirana pa makani ghakuti kasi munthu wali na nkhongono za kusankhira icho wakukhumba na umo wadumulira kwambura kuti Chiuta wakoreko? (Pachizungu tikuti free will). Yezgani kughanaghana mwapachoko waka, usange mungafumbika fumbo lakuti, “kasi tili banangwa kuchita umo tikukhumbira?” kasi ise nga mbanthu tili banangwa kuchita vichi? Kasi tili bazga kukwananga, panji kwa Chiuta, panji tili banangwa muvinthu vyose ivyo tikuvighanaghanira na ivyo tikukumana navyo? Usange tilije wanangwa uw, kasi Chiuta wangatisuska wuli pa ivyo tikuyowoya na ivyo tikuchita?

3