Ufumu wa Chiuta, Buku la Msambiri

9 2 /

UFUMU WA CHIUTA

mucharu, Mpingo ukukhazga Mzimu Mtuba kukhozgera upharazgi na ukaboni wake na minthondwe na kusinthika kwa banthu, kupereka urunji, kuchizga, kusutura bakukakika na kupereka chiponosko kubakutayika.

Sono yafikaso nyengo yakuti muweleremo muchisambizgo mwakuti mumanye kukhazikiska ivyo mwasambira. Fumbani mafumbo pa ivyo mundapulikiske na ivyo mukukhumba kungweruskika. Mafumbo ghinu ngakuzirwa chomene mukusambira kwinu. Fundo, mafumbo, na ivyo vyakukhwaskani apo mwasambiranga vikwenera kudumbika na kulongosolerana na banyinu. Unenesko uwo ukukhwaska Mpingo muchisambizgo ichi ngwakuzirwa chomene ndipo ndi vyakumovwirani chomene mu wutebeti winu kweniso mu Mpingo. Mafumbo agho tapereka apa ngakuti ghamovwireni pakuweleramo kweniso kupanga mafumbo pa imwe mwekha. * Kasi ntchamachitiko kuti munthu waphare kuti ngwakuponoske apo wakukana kuwngana Pamoza na bakupulikana banyake mu Mpingo? Kasi ndimo kukwenera kubira kuti munthu usange wasanga Yesu ukwenera kusangaso Mpingo wakuti uyengeko panji kuba yumoza wawo? * Kasi mungachitachi usange mwasangika kuti mukupharazga pakati pa banthu awo bandabepo yumoza wa Mpingo, panji bakuruta chara kumpingo wuli wose? Kasi mungabavwira wuli kuti banthu bayambe kwenda ku mpingo na kuba yumoza wawo? * Kasi ntchakwenelera kuti tibike Ufumu wa Chiuta mukati mukabiro na umoyo wa Mpingo? Kasi tingapatura wuli kabiro na kachitiro ka Mpingo ku Ufumu wa Chiuta? * Kasi tingakhazga kuti Mzimu Mtuba warongore vimanyikwiro na minthondwe mu utebeti uwo tikuchita? Pakukhumbikwa kuti padankhe kuba vichi kuti Mzimu Mtuba warongore mnthondwe mu wutebeti withu mucharu? * Kasi tingatonda wuli viwawa, urwirwi na maunonono mu vikaya vithu nga mbamiliri ba Ufumu wa Chiuta mucharu? Kukuwoneka kuti vikaya na vigaba vithu ndi vikuru chomene ndipo ise tili bachoko chomene – kasi tingasintha wuli kabiro na kaghanaghaniro kithu pa ise na ivyo tikuchita? * Kasi pali ubare wuli pakati pa kunjilira kwa Ufumu wa Chiuta mu charu na nkhongono ya Satana izo zikukora banthu umkori? Kasi tikwenera kuchitachi kuti timanye makora nthowa izo Satana wakuchita pakukora banthu muwuzga muchikaya chithu?

Kutorapo lwande kwa msambiri na vyakulondezgapo vyake

3