Ufumu wa Chiuta, Buku la Msambiri

9 4 /

UFUMU WA CHIUTA

Kuba pafupi kuvileka

Mliska munyake wachinyamata wa mpingo unyake, wakatebeta makora chomene na ulato wakukhumba kumuwona Chiuta wakuchita vikuru pa mpingo wake. Wakatebeta mwantheura kwanyengo yitali kwene kuti wakaba na chanduro chili chose chara. Mpingo wake ukaba uchoko wa banthu bachoko chomene. Banthu banandi ba mumpingo uwu bakakhumbananga chara ndipo mu Mpingo mukaba viwawa vinandi chomene kweniso banandi bakamukhumbanga chara chifukwa cha umo wakendeskeranga Mpingo. Wakapenjerezga nthowa za umo wangakuzgira Mpingo kwene kuti vikamwendera chara. Wakagongoweskeka chomene na umo vinthu vikabira ndipo wakakhumba kufumapo. Wakumanya kuti imwe mukumanya makora za ubare uwo ulipo pakati pa Ufumu wa Chiuta na Mpingo. Kasi usange wangiza kwa imwe kuti mumovwire, mungamovwira wuli kuti wapulikiske umo wangachitira makora pa Mpingo wake? Kasi ntchakwenelera kuti wawuleke Mpingo na kuya kachita milimo yinyake? Kasi walutilire kukhara na banthu awo bakumukhumba chara ndiposo bachoko waka? Kasi wangasintha wuli kachitiro na kaghanaghaniro kake mwakuti wachiskike na kuchita makora pa utebeti wake? Mtebeti yumoza, zina lake Chidongo, wakondwa chomene chifukwa chakuti pa myezi 12 sono, mu mpingo wawo kwayambika utebeti wakupharazga kugadi. Banthu batatu panji banayi bakurutanga kuya kapharazga mugadi ku bakukakika. Vyakurondezgapo pa utebeti uwu ndi vyakuti banthu banandi bakupokera Yesu ndipo minthondwe yikubarondezga. Banthu awo bayamba kumurondezga Yesu pali chigomezgo chakuti basuturikenge na kufumira kuwaro mwasonosono. Dada Chidongo baruta kubaliska na kukasachisizgira kuti Mpingo upange ndondomeko yakuti banthu awo bazgoka bize mu Mpingo, basambizgike umo bangakulira mu umoyo wawo wa mu uzimu na kutebeta nawo mwakuti nawo bayambe kutolera banyawo kwa Yesu. Baliska bapokera makani ghamadando kufumira kubanthu banandi awo mbakudandaura chifukwa chakopa kuti banthu aba panji bangaba bambura kwenelera kunjizgika mu mpingo wa Chiuta. Bakhristu bakopanga chifukwa chakuti panji banthu aba banganjizga urwani mu Mpingo chifukwa banthu aba bakaba bakwiba na kutiso banandi baka na mirandu yikuruyikuru ndipo ntchakukayikiska kut bali kusinthika za nandi. Tiyezgerere kuti dada Chidongo biza kwa imwe kuya kapempha zeru, kasi mungabavwira wuli? Nga ndi umo imwe mukumanyira umo chiponosko cha Chiuta chikwendera na umo kabiro ka Mpingo kaliri, kasi mungamovwira wuli dada Chidongo mwakuti wachite makora mumpingo wake. Kasi mungasachizga kuti Mliska, Mpingo na dada Chidongo bachitechi mwakuti mwabi uwu ungajumphanga chara kwene bawutebeteske makora? Kasi ndi njani uyo wakurongora Ufumu wa Chiuta

2

3

3