Ufumu wa Chiuta, Buku la Msambizgi

/ 1 3 1

UFUMU WA CHIUTA

3. Longosorani ving’anamuro vyakupambanapambana ivyo vikukhwaska kabiro ka uchindami wakwizaso kwa Yesu Khristu (mwachiyerezgero, wizamkuwoneka kwa munthu wali yose, wizenge muthupi, wakuzura na uchindami, kwa mabuchibuchi). Kasi vyose ivi ndi vyakuzirwa wuli pakupulikiska kabiro keneko ka kwizaso kwa Fumu Yesu ( Parousia )? 4. Pharani mphambano izo zilipo pakati pa fundo izo zikulongosora kabiro ka umo vinthu vizamkuchitikira pa umaliro wa charu, kwakuyana na Masuzgo ghakuru, cheruzgo na kukhazikika Ufumu wa Chiuta ( postmillenial , premillenial , and amillennial ). Kasi ndi fundo njini iyo yikulongosora makora makani gha muwuso wa Chiuta kwa vilimika 1,000? 5. Longosorani fundo zakupambanapambana pa makani gha Masuzgo Ghakuru mucharu apo Yesu wakwizaso; labiskani fundo izi: pretribulation , posttribulation , na midtribulation . Kasi ndi fundo njini iyo yikulongosora makora umo Mazgu gha Chiuta ghakuyowoyera pa nkhani ya Masuzgo Ghakuru? 6. Dumbiranani fundo zikuru zikuru izo zikukhwaska chiuka. Kasi pali mphambano wuli pakati pa chiuka cha barunji na chiuka chabakufwa? 7. Kasi pali fundo wuli zikuru zikuru zakukhwaska cheruzgo chabanthu? Kasi Yesu wakutorapo lwande wuli mucheruzgo icho, kasi umaliro wa banthu wose awo bakuhwaskika mucheruzgo ichi ngwakuti wuli? 8. Kasi Ufumu wa Chiuta usange wiza, uzamkumanyikwa na vichi? Kasi chilengiwa chizamkusinthika wuli? Kasi barunji na batuba mtima bizamkuba na mlimo wuli mu charu chipya? 9. Pa umaliro wa vyose, kasi Yesu wizamkuchitachi na Ufumu wake apo wizamkuba kuti wamazga barwani bake wose na kubabika pasi pa muwuso wake? Kasi Chiuta wizamkuba vichi pa muwiro uwo ukwiza?

4

KUBAMBIKIZGA

Chisambizgo ichi chalabiska pa kukhazikika kwa Ufumu wa Chiuta pa kwizaso kwa Yesu Khristu, mweneuyo wavumbukwenge mwasonosono ndipo wakhazikiskenge Ufumu wake pa charu chapasi. Parousia ndi makani agho ghakukhwaska kwizaso kwa Fumu Yesu Khristu, apo wali yose wizamkumuwona, wizenge muthupi, muuchindami wake ndipo wizenge mwakubiro chomene kwene kwambura nyengo kumanyikwa. Ufumu uwu wuli mundondomeko iyo Baibulo likuphara na za nyifwa, chiuka na cheruzgo cha umaliro. Usange barwani ba Yesu

Fundo zikuru zikuru mwaufupi