Ufumu wa Chiuta, Buku la Msambizgi

/ 1 6 5

UFUMU WA CHIUTA

Mavesi gha Ufumu wa Chiuta mu Chipangano Chasono (Mwakulutirizga)

Kweni awo ŵakwenera kuŵa mu Ufumu, ŵamkuponyeka kuwaro ku mdima kwenekuko ŵamkulira na kuska mino.” Mateyo 9.35 Yesu wakendanga mu misumba yose na mu vikaya. Wakasambizganga mu nyumba zawo zakusoperamo na kupharazga Uthenga Uweme wa Ufumu wa Chiuta Wakachizgangaso ŵanthu ŵa matenda ghakupambanapambana na vyakuŵinya vyawo. Mateyo 10.7 Uku mukwenda mukapharazgenge kuti, ‘Ufumu wa kuchanya waneng’enera!’ Mateyo 11.11 Nadi, nkhumuphalirani kuti, mu ŵanthu wose awo ŵali kubabika mu ŵanakazi, mulije kuwonekapo mukuru kuruska Yohane Mubapatizi. Kweni uyo ndi muchoko ku wose mu Ufumu wa kuchanya ndiyo mukuru kuruska iyo. 12Kufuma mu mazuŵa gha Yohane Mubapatizi kufika mpaka sono, ŵanthu ŵakulimbana chomene na Ufumu wa kuchanya, ndipo ŵanthu ŵachikanga ndiwo ŵamkuwupoka. Mateyo 12.25 Yesu wakamanya maghanoghano ghawo ndipo wakayowoya nawo wakati, Usange ŵanthu ŵa ufumu umoza ŵagaŵikana ufumu uwo ukupankhuka. Ndiposo ŵanthu ŵa msumba panji nyumba yimoza usange ŵagaŵikana, msumba uwo panji nyumba iyo yikupankhuka. 26Usange Satana wakufumya Satana, ndiko kuti wagaŵikana yekha. Kasi ufumu wakhe ungakhora uli? Mateyo 12.28 Kweni usange nkhufumya viŵanda na nkhongono ya Mzimu wa Chiuta, ipo Ufumu wa Chiuta uli kwiza pa imwe Mateyo 13.11 Iyo wakaŵazgora wakati, “Imwe muli kupika mwaŵi wakumanyira vya muchindindi vya Ufumu wa kuchanya, kweni ŵanji ŵalije kupika mwaŵi wa kamanyiro ka ntheura. 12Pakuti yose uyo wali na kanthu ŵati ŵamupenge vinandi, ndipo wati waŵenge na vyakuzara. Kweni yose uyo walije kanthu, nanga ndi ako wali nako ŵamupokenge. Mateyo 13.19 Para munthu waliyose wakupulika mazgu gha Ufumu wa kuchanya, ndipo wakureka kughapulikiska, Muheni Yura wakwiza na kukwapura icho chaseŵeka mu mtima wakhe. Iyi ndi mbuto iyo yikaseŵeka mu mphepete mwa nthowa. Mateyo 13.24 Yesu wakaŵatayira ntharika yinyakhe wakati, “Ufumu wa kuchanya uli nga ndi munthu uyo wakaseŵa mbuto yiweme mu munda wakhe.