Ufumu wa Chiuta, Buku la Msambizgi

/ 1 6 7

UFUMU WA CHIUTA

Mavesi gha Ufumu wa Chiuta mu Chipangano Chasono (Mwakulutirizga)

yose uyo wakujiyuyura na kuŵa nga mwana muchoko uyu, ndiyo ndi mukuru kwakuruska mu Ufumu wa kuchanya Mateyo 18.23 Ntheura Ufumu wa kuchanya ukulingana na karonga uyo wakakhumbanga kuwona ŵateŵeti ŵakhe umo ŵakaŵira na ngongole kwa iyo. Mateyo 19.12 Pakuti ŵaliko ŵanthu ŵanji awo ŵangatora chara chifukwa ŵakababika ntheura, ndiposo ŵanthu ŵanji awo ŵangatora chara chifukwa ŵanthu ŵanji ŵakaŵatungula. Ŵaliposo ŵanthu ŵanji awo ŵangatora chara chifukwa cha Ufumu wa kuchanya. Uyo wakumanya kupokera chisambizgo ichi, wachipokerere.” Mateyo 19.14 Yesu wakati, “Tuzomerezgani twana twize kwa ine, mungatukanizganga chara. Pakuti Ufumu wa kuchanya ngwa twa ntheura.” Mateyo 19.23 Ndipo Yesu wakati ku ŵasambiri ŵakhe, “Nadi nkhumuphalirani, nkhunonono chomene kuti musambazi wanjire mu Ufumu wa kuchanya. 24Ndipo nkhuwerezgaso kuti, nchipusu kuti ngamila yisorote mu jiso la sindano kuruska kuti musambazi wanjire mu Ufumu wa Chiuta.” Mateyo 20.1 “Ufumu wa kuchanya ukulingana waka na mwene-munda uyo wakacherera kuya kalemba ŵanthu ŵakuteŵeta mu munda wakhe wa mpheska. Mateyo 20.21 Yesu wakamufumba wakati, “Kasi ukukhumbachi?” Mwanakazi yura wakazgora wakati, “Mulangure kuti ŵana ŵane ŵaŵiri aŵa, yumoza wakakhare ku maryero munyakhe ku mazere mu Ufumu winu.” Mateyo 21.31 Kasi ndi njani pa ŵaŵiri ŵara uyo wakachita khumbo la ŵawiske?” Mateyo 21.43 “Ntheura ichi nkhumuphalirani kuti Ufumu wa Chiuta uti upokekenge kufuma kwa imwe na kuperekeka ku fuko leneilo likupambika vipambi vyakwenerera.” Mateyo 22.2 “Ufumu wa kuchanya uli nga ndi karonga uyo wakanozga chiphikiro pa nthengwa ya mwana wakhe. Mateyo 23.13 “Soka kwa imwe ŵamanyi-marango na ŵaFarisi! Mwa ŵapusikizgi imwe! Pakuti mukujara muryango wa Ufumu wa kuchanya kuti ŵanthu ŵareke kunjiramo. Pakuti imwe mwaŵene kuti mukunjiramo chara, nanga ndi awo ŵakukhumba kunjiramo kuti mukuŵazomerezga chara!