Ufumu wa Chiuta, Buku la Msambizgi

/ 1 6 9

UFUMU WA CHIUTA

Mavesi gha Ufumu wa Chiuta mu Chipangano Chasono (Mwakulutirizga)

Mariko 9.11 Yesu wakaŵaphaliraso kuti, “Nadi nkhumuphalirani kuti ŵalipo ŵanji awo ŵakwimilira pano awo kuti ŵati ŵafwenge chara, ŵasuke ŵawone Ufumu wa Chiuta ukwiza na nkhongono.” Mariko 9.47 Usange jiso lako likukwanangiska ulikozombore. Nkhuweme kuti ukanjire mu Ufumu wa Chiuta na jiso limoza kuruska kuti ukaponyeke ku Gehena uli na maso ghose ghaŵiri Mariko 10.14 Para Yesu wakawona ichi wakakaripa ndipo wakaŵaphalira ŵasambiri ŵakhe wakati, “Rekani twana twizenge kwa ine, mungatukanizganga, chifukwa Ufumu wa Chiuta ngwa twa ntheura. 15Nadi nkhumuphalirani kuti, yose uyo wakureka kupokerera Ufumu wa Chiuta nga ndi mwana, kuti wamkunjiramo chara.” Mariko 10.23-25 23Yesu wakalaŵiska ŵanthu awo ŵakamuzingirizga ndipo wakati ku ŵasambiri ŵakhe, “Nawo mbunonono kunjira mu Ufumu wa Chiuta ŵanthu awo ŵali na usambazi!” 24Ŵasambiri ŵakhe ŵakazizwa chomene na mazgu agha. Kweni Yesu wakawerezgaso wakati, “Mwa ŵana, nawo mbunonono kunjira mu Ufumu wa Chiuta! 25Nchipusu kuti ngamila yisorote mu jiso la sindano kuruska kuti musambazi wakanjire mu Ufumu wa Chiuta.” Mariko 11.10 Ngwakutumbikika ufumu wa Dada withu Davide uwo ukwiza, Hosana, uchindami kwa Chiuta kuchanya nkhanira.” 11Yesu wakati wafika mu Yerusalemu, wakaya kanjira mu Nyumba ya Chiuta, na kulaŵiskalaŵiska pa vyose. Kweni pakuti kukaŵa mise kale, wakaruta ku Betaniya pamoza na ŵasambiri ŵakhe Mariko 12.34 Para Yesu wakawona kuti wakazgora mwamahara, wakati kwa iyo, “Kuti uli kutali chara na Ufumu wa Chiuta.” Kufuma pa nyengo iyi, pakaŵavye munthu uyo wakaŵa na chikanga kumufumbaso kanthu. Mariko 13.8 Pakuti mtundu wamkuwukira mtundu unyakhe, ndipo ufumu nawo wamkuwukirana na ufumu unyakhe. Kwamkuŵako vindindindi mu malo ghakupambanapambana ndipo kwamkuŵakoso njara. Uku ndiko kwamba kwa nyengo ya visuzgo.” Mariko 14.25 Nadi nkhumuphalirani kuti, ndizamkumwaso vinyo chara mpaka pa zuŵa ilo ndamkumwa vinyo liphya mu Ufumu wa Chiuta.”