Ufumu wa Chiuta, Buku la Msambizgi

/ 1 7 5

UFUMU WA CHIUTA

Mavesi gha Ufumu wa Chiuta mu Chipangano Chasono (Mwakulutirizga)

vya ntheura. Nkhumusokani sono, nga ndi umo nkhamusokerani kale, kuti awo ŵakuchita vinthu ivi ŵati ŵaharenge Ufumu wa Chiuta chara. Baefeso 5.5 Manyani ichi kuti munthu yose uyo ndi muzaghali, mukazuzi, wakudokera (pakuti munthu wakudokera wali nga ndi uyo wakusopa chikozgo) kuti wali na chiharo mu Ufumu wa Khristu na wa Chiuta chara. Bakolose 1.13 Ndiyo wakatithaska ku muwuso wa nkhongono za mdima na kutinjizga mu ufumu wa Mwana wakhe wakutemweka. Bakolose 4.11 Yesu mweneuyo wakuchemeka Yusto nayo wakumutauzgani. Ŵanthu ŵatatu aŵa ndiwo ŵekha ŵakhristu ŵakufuma mu chiYuda, awo pamoza na ine tikuteŵetera Ufumu wa Chiuta. Ndipo ndiwo ŵanguŵa chisangurusko chane. 1 Batesalonika 2.12 Tikamukhwimiskani, kumusanguruskani, na kumuchiskani kuti mendero ghinu gharongore umoyo uwo ukukondweska Chiuta, uyo wakumuchemani kuti musangane nayo mu Ufumu wakhe na wakhe na uchindami. 2 Batesalonika 1.5 Uwu ndi ukaboni kuti weruzgi wa Chiuta ngwa kunyoroka, mwakuti mupimike kuŵa ŵakwenerera mu Ufumu wa Chiuta weneuwo sono mukukomwerapo. 2 Timoti 4.1 Nkhukulangula pa maso pa Chiuta na Khristu Yesu uyo wizamkweruzga ŵamoyo na ŵakufwa, ndipo chifukwa cha kwiza kwakhe na Ufumu wakhe 2 Timoti 4.18 Fumu yiti yindithaskenge ku uheni uliwose na kundiponoska ndisuke ndifike ku Ufumu wakhe wa kuchanya. Kwa iyo kuŵenge uchindami kwa muyirayira swii. Ameni. Baheberi 1.8 Kweni pakuyowoya za Mwana wakhe, Chiuta wakuti, “Chizumbe chinu, Mwe Chiuta, ncha muyirayira. Ndodo ya urunji ndi ndodo ya ufumu winu Baheberi 12.28 Ntheura tiyeni tiwonge pakuti tili kupokera ufumu uwo kuti ungasunkhunyika chara, ndipo tiyeni tipereke kwa Chiuta chisopo chakuzomerezgeka mwa nchindi na pakumopa. Yakhobe 2.5 Mwa ŵabali ŵane ŵakutemweka, tegherezgani. Asi Chiuta wali kusora ŵakavu ŵa muno mu charu kuti ŵaŵe ŵasambazi mu chipulikano, na