Ufumu wa Chiuta, Buku la Msambizgi

/ 1 8 1

UFUMU WA CHIUTA

Mavesi gha Ufumu wa Chiuta mu Chipangano Chakare (Mwakulutirizga)

kwane kukusenderera kufupi luŵiro, chiponoska chane chafika, ndipo nkhongono zane zizamkweruzga ŵamitundu. Awo ŵakukhara mu vyaru vya mu mphepete mwa nyanja ŵakundilindirira, ŵakulindirira nkhongono yane mu chigomezgo. Yesaya 60.9-13 Izi ndi ngaraŵa izo zikwiza kufuma kutali, izo zadangira, zafuma ku Tarishishi, zayegha ŵanthu ŵa Chiuta kuŵawezgera ku kwawo, pamoza na ndarama za siliva na za golide, kwiza kachindika Fumu, Chiuta winu, Mutuŵa Yura wa Israele, pakuti yamupani uchindami ukuru. 10 Fumu yikuti kwa Yerusalemu, “Ŵalendo ndiwo wizamkuzenga malinga ghako, ndipo ŵakaronga ŵawo ndiwo ŵizamkumuteŵeterani. Nangauli apo nkhaŵa mukari, nkhamulangani kweni mukutemwa nditi ndiŵe na lusungu na imwe. 11 Vipata vyinu vizamkuŵa mwazi nyengo zose, muhanya na usiku kuti vizamkujarika chara, mwakuti ŵanthu ŵamutoreraninge imwe usambazi wa ŵamitundu, pamoza na ŵakaronga ŵawo awo ŵaŵarongozgenge pakwiza. 12 Pakuti fuko panji ufumu, uwo wamkureka kumuteŵeterani wamkumara petu, mafuko gha ntheura ghamkupankhuka nadi. 13 Makuni ghaweme gha nguyi ya Lebanoni, ghamkwiza kwa imwe, makuni gha mulombwa, gha muŵanga na milanje nagho ghamkwiza, kuti ghatozge malo ghane ghakupatulika, ndipo malo agho nkhukandapo malundi ghane ghizamkuchindamiskika. Yesaya 61.1-4 Mzimu wa Fumu Chiuta uli pa ine, pakuti Fumu yili kundiphakazga ine, kuti ndipharazge uthenga uweme ku ŵakavu. Yili kundituma kuti ndichizge ŵa mitima yakusweka, kuti ndipharazge wanangwa ku awo ŵali mu uzga, ndiposo na kuŵasutula awo ŵali mu gadi. 2 Fumu yili kundituma kuti ndipharazge, nyengo chisungusungu chakhe, na nyengo iyo yiti yiwezgerenge nduzga ku ŵarwani ŵakhe, ndiposo na iyo yiti yipembuzgirenge ŵakulira, 3 kuŵapa awo ŵakutengera mu Ziyoni, nkhata ya utozi ya maluŵa mu malo mwa kujithilira vyoto, mafuta gha kukondwa mu malo mwa kutengera sumu ya marumbo mu malo mwa chitima. Ŵati ŵachemeke kuti “Musoro wa urunji, makuni ghakupandika na Fumu”, kuti yirongore uchindami wakhe. 4 Wizamkuzengaso mahami gha kale, na kuwezgeraso malo agho ghakapasuka kale. Wizamkunozgaso misumba iyo yikabwanganduka, misumba iyo yikapasuka pa virimika vinandi. Yeremiya 23.5 Fumu yikuti, “Mazuŵa ghakwiza, apo nditi ndimuwuskire Davide mphapu ya urunji, karonga uyo wizamkuwusa mwa mahara, uyo wizamkweruzga mwakunyoroka na mu urunji mu charu. 6 Mu mazuŵa