Ufumu wa Chiuta, Buku la Msambizgi

1 8 4 /

UFUMU WA CHIUTA

Mavesi gha Ufumu wa Chiuta mu Chipangano Chakare (Mwakulutirizga)

Hoseya 1.4 Sono Fumu yikati kwa Hoseya, “Mwana uyu umuthye kuti Yezireyele pakuti sonosono apa nditi ndilange mbumba ya Yehu chifukwa cha ŵanthu awo wakakoma mu msumba wa Yezireyele. Ine nditi ndimarizge ufumu wa Israele. Amosi 9.8 8Wonani, maso gha ine Fumu Chiuta ghali pa ufumu wakwananga, ndipo nditi ndiwumare petu pa charu cha pasi. Kweni mbumba ya Yakhobe pera ndiyo ndamkuyimalira nkhanira chara.” Ntheura ndimo yikuyowoyera Fumu. Obadiya 1. 21 Ŵakuthaska ŵamkukwera Phiri la Ziyoni, kuya kawusa Phiri la Esau. Fumu ndiyo yamkuŵawusa.” Yoweli 2.26-32 26“Mwamkurya vyakuzara na kukhuta, ndipo mwamkurumba zina la Fumu, Chiuta winu, uyo wamuchitirani vyakuzizwiska. Ndipo ŵanthu wane ŵakhozgekengeso soni kwa muyirayira chara. 27 Muti mumanye kuti Ine ndili mukati mwa Israele, na kuti Ine, Fumu, ndine Chiuta winu kulijeso munyakhe. Ŵanthu ŵane ŵakhozgekengeso soni kwa muyirayira chara. Zuŵa la Fumu 28 Ndipo pamanyuma, ndamkupungulira Mzimu wane pa ŵanthu wose. Ŵana ŵinu ŵanarume na ŵanakazi ŵamkuchima. Ŵarara ŵinu ŵamkulota maloto, ndipo ŵanyamata ŵinu ŵamkuwona mboniwoni. 29 Nanga mpha ŵateŵeti ŵinu ŵanakazi na ŵanarume ndipungulirenge Mzimu wane. 30 “Ndipo ndirongorenge minthondwe kuchanya na pano pasi, ndopa na moto, na mizati ya josi. 31Dazi lizgoke mdima, ndipo mwezi uzgoke ndopa, pambere lindize zuŵa la Fumu likuru na lakofya. 32Ndipo kwamkuti, uyo yose wamkuchema pa zina la Fumu wamkuthaskika pakuti mu Phiri la Ziyoni na mu Yerusalemu ndimo ŵamkuŵa awo mba kuthaskika, nga ndi umo Fumu yanenera, ndipo mukati mwa awo ŵakuphokwa mwamkuŵamo ŵeneawo Fumu yikuŵachema.” Zakariya 8.22 Ŵamitundu ŵanandi na mafuko gha nkhongono ghamkwiza ku Yerusalemu, kuromba Fumu Mwenenkhongono zose, na kuŵeyerera uchizi wakhe.” Zakariya 14.9 9Penepapo Fumu yamkuŵa karonga wa ŵakaronga wa pa charu chose cha pasi. Pa zuŵa lenelira Fumu yamkuŵa yimoza pera na kumanyikwa na zina limoza pera.